"Ary Jesosy tia an'i Marta sy ny rahavaviny ary Lazarosy." - Jao. 11:5.
Tisy tokantrano iray tena tian'i Jesosy ny namangy azy-ny tokantranon'i Lazarosy sy Maria ary Marta; ny rivo-piainan'ny finoana mantsy no nahitan'ny fanahiny fitsaharana.mpianatr'i Kristy.
Anisan'ny nifahatra indrindra Taminy i Lazarosy avyany Betania. Hatramin'nynihaonany voalohany dia efa natanjaka ny finoany an'i Kristy; lalina ny fitiavany Azy, ary be koa ny fitiavan'ny Mpamonjy Azy. Ho an'i Lazarosy no nanaovan'i Kristy ny lehibe indrindra tamin'ny fahagagana. Nitahy izay rehetra nitady ny fanampiany ny Mpamonjy; tia ny fianakavian'ny olombelona rehetra Izy; saingy nananany fifandraisana mamy sy fifamatorana tamin'ny fomba manokana ny olona sasany. Nifaningotra tamin'ny fianakaviana tany Betania ny fony tamin'ny alalan'ny mahazakan'ny fitiavana, ka notanterahiny ho an'ny anankiray tamin'ireo ny anankiray amin'ny asa mahagaga indrindra nataony.
Nahita fialan-tsasatra matetika i Jesosy tao an-tokantranon'i Lazarosy. Tsy nanana trano ho an'ny tenany ny Mpamonjy; niankina tamin ny fampiantranoan'ny namana aman- tsakaizany sy ny mpianany Izy; koa matetika, rehefa sasatra Izy, nangetaheta firaisam-pon'olombelona, пу nahafaly Azy ny nandositra ao amin'izany tokantrano feno fiadanana izany, lavitry ny fiahiahiana sy ny fialonan'ny Fariseo feno hatezerana. Tao Izy nahita fandraisana tsara tamin'ny fo madio, sy fisakaizana madio sy masina. Tao izy no afaka niteny tamim-pahatsorana sy tamim- pahalalahana tanteraka; fantany fa ho azo ny teniny, sady hotehirizina toy ny zava-tsarobidy.
Nankasitrahan'ny Mpamonjintsika ny tokantrano feno fiadanana sy ny mpihaino liana. Niriny mafy ny fahalemem-panahin'olombelona, ny fanajany sy ny fitiavany. Izay mandray ny toromariky ny lanitra, izay mahavonona Azy mandrakariva ny hizara izany, dia mahazo fitahiana be dia be. (...) Votsa anefa ny vahoaka nihaino Azy, ka tao amin'ny tokantrano tao Betania i Kristy no nahita fialan- tsasatra tamin'ny ady mandreraka natrchiny teo amin'ny fiainana teo anivon'ny vahoaka. Tao no nanokafany ny bokin'ny Fitondran'Andriamanitra teo amin'ny mpihaino mahay mankasitraka. Nandritra ireo resaka manokana nataony ireo, dia novelariny teo amin'ny mpihaino Azy izay tsy nandramany nolazaina tamin'ny vahoaka marobe nifangaro. Tsy nilainy ny niteny tamin'ny sakaizany tamin'ny alalan'ny fanoharana. - MLT, t. 208.