"Izy no ambaran'ny mpaminany rehetra, fa amin'ny anarany no hahazoan'izay rehetra mino Azy famelan-keloka." - Asa. 10:43.
Mofon’aina:
Miasa amin'ny alalan'ireo anjelin'ny lanitra Andriamanitra mba hahatonga ireo mahalala ny fahamarinana hifan-dray amin'ireo fanahy izay mila fahazavana sy fahalalana. Vakio ny Asa. 10. Nijery ny fanoloran-tena sy ny toe-panahy araka an'Andriamanitra nananan'i Kômelio ilay Andriarnanitry ny lanitra. (...)
Naniraka ny anjeliny ny Tompo mba hampahafantatra izany tamin'i Kôrnelio, sy hampifandray azy amin'ny apôstôly Petera. Nolazain'ilay anjely mihitsy ny toerana nisy an'i Petera, ary nanome toky izy fa hilaza aminy izay tokony hataony i Petera. Rehefa izay dia nisy anjely iray nirahina nankany amin'i Petera mba hanaisotra ny fisalasalany mikasika ny fananan-draharaha amin'ny Jentilisa. "Izay efa nodiovin 'Andriamanitra dia aza ataonao ho fady". Raha mbola nieritreritra momba ilay fanambarana hafahafa nomena azy i Petera, dia hoy ny Fanahy taminy: "Indreo, misy telo lahy mitady anao; fa mitsangàna hianao, (..) ary mandehana miaraka aminy, ka aza misalasala, fa Izaho no naniraka azy." –Asa. 10:15,17.
Mifandray ety amin'ity tontolontsika ity tokoa ny lanitra raha izany tantara izany! Ary teo amin' ilay tohatra izay hitan'i Jakôba dia nisy anjelin'Andriamanitra niakatra sy nidina. Teo an-tampon'ilay tohatra Andriamanitra, ary nisy tara-pahazavana be voninahitra namirapiratra avy eny an-danitra ka hatrety an-tany. Mbola tsy tahaka io fifandraisana io mandraka ankehitriny.
Ary inona no vokatry ny fifandraisan'Andriamanitra tamin'i Kôrnelio? Vakio ilay tantara sarobidy ka ianaro, ary miderà an'Andriamanitra; satria natao ho antsika ny lesona ao anatiny. (...) (Asa. 10:42,43).
Rehefa nilaza ireo zavatra ireo i Petera, dia nirotsaka tamin'izay rehetra nandre ny Fanahy Masina, ary dia natao batisa tamin'ny anaran'ny Tompo izy ireo. Araka izany dia nisy vondrona mpino kristianina natsangana tany Kaisaria mba hitondra ny fahazavan'ny fahamarinana.
Io no asa tokony hatao ankehitriny. Manana hafatra hotorina amin'ny olona isika. (...) Hoy ny fanambaran'i Kristy: "Izaho no mofon'aina; izay manatona Ahy tsy mba ho noana, ary izay mina Ahy tsy mba hangetaheta intsony. (..) Izay rehetra omen'ny Raiko Ahy no hanatona Ahy; ary izay manatona Ahy dia tsy mba holaviko mihitsy." – Jao. 6:35-37. - (Australasian) UCR, 1 Janoary 1900.