"Fa na dia te-hirehareha aza aho, dia tsy ho adala, fa hilaza ny marina; nefa tsy manao izany aho, fandrao misy olona mihevitra ahy ho mihoatra noho izay ahitany ahy na izay andrenesany ny teniko." - 2 Kôr. 12:6.
Mofon’aina:
Tokony ho tahaka an'i Kristy ireo mpanaraka Azy – noho ny fahasoavan'Andriamanitra dia hamolavola toetra amam-panahy mifandrindra amin'ny foto-kevitry ny lalàny masina izy. Izany no fanamasinana araka ny Baiboly.
Tsy mety ho tanteraka anefa izany raha tsy amin'ny alalan'ny finoana an'i Kristy ihany sy amin'ny alalan'ny hery avy amin'ny Fanahin'Andriamanitra mitoetra ao anatiny. (...)
(...) Asehon'ny Soratra Masina mazava fa miandalana ny asan'ny fanamasinana. Rehefa vita fihavanana amin'Andriamanitra ny rnpanota amin'ny alalan'ny ran'ny fanavotana, dia vao manomboka amin'izay ny fiainanakristiana. Izao izy vao mandroso "ho amin'ny fahatanterahana," hitombo ka "hahatratra ny ohatry ny halehiben'ny fahafenoan'i Kristy." (...) I Petera kosa mampiseho antsika ireo dingana izay hahatratrarana ny fahamasinana voalazan'ny Baiboly. "Manaova izay zotom-po rehetra kosa hianareo, ka amin'ny finoanareo dia manehoa fahatanjahan-tsaina, ary amin'ny fàhatanjahan-tsainareo dia fahazavana, ary amin 'ny fahalaianareo dia fahononam-po, ary amin'ny fahononam-ponareo dia faharetana, ary amin'ny faharetanareo dia toe-panahy araka an 'Andriamanitra, ary amin 'ny toe-panahinareo araka an 'Andriamanitra dia .fitiavana ny rahalahy (...) fa raha manao izany zavatra izany hianareo, dia tsy ho tafintohina akory mandrakizay" -2 Pet. 1:5-10.
Ireo izay miaina amin'ny fanamasinana araka ny Baiboly dia mampiseho toe-tsaina feno fanetren-tena. Tahaka an' i Mosesy dia efa nahita ny voninahitra mahatahotry ny fahamarinana izy, ka mahita ny tsy fahamendrehan'ny tenany mifanohitra amin'ny fahadiovana sy ny fahatanterahana feno eo amin'Ilay tsy manam-petra. (...)
Tsy mety hisy fanandratan-tena, na fireharehana fa afaka amin'ny fahotana amin'izay mandeha eo amin'ny aloky ny hazo fijalian' i Kalvary. Tsapany fa ny fahotany no nahatonga ny ady nihatra aman'aina izay nahavaky ny fon'ny Zanak'Andriamanitra, ka io fisainana io dia hitarika azy ho amin'ny fanetren-tena lalina. (...).- HM, tt. 484, 485.