"Fa angamba hihaino ihany izy, ka samy hiala amin 'ny lalany ratsy, dia hanenenako ny loza izay kasaiko hamelezana azy noho ny faharatsian'ny ataony." - Jer. 26:3.
Mofon’aina:
Nanoratra toy izao ny Apôstôly Paoly: "Kanefa tsy nahalala ny ota aho, raha tsy tamin’ny lalana, satria tsy fantatro akory ny .fitsiriritana, raha tsy ny lalana no nanao hoe : Aza mitsiriritra" - Eks. 20:17. Ny lalàna izay mampanantena fiainana ho an'izay mankato’ azy dia manonona fahafatesana koa ho an'izay mandika azy. "Ary koa" raha nilaza izy manao hoe "masina ny lalàna, ary masina ny didy sady marina no tsara" – Rom. 7:12.
Tahaky ny ahoana ny fifanoheran' izany tenin'i Paoly izany sy izay re avy eny polipitra maro ankehitriny. Nisy nilaza mantsy fa ny fankatoavana ny lalan'Andriamanitra dia tsy ilaina amin'ny famonjena; fa ny finoana an'i Jesôsy dia ampy. Raha tsy misy lalàna, dia tsy hisy fiaikena ny fahotana eo amin'ny olombelona ka tsy hisy filana fibebahana. Tsy ho hita fa ny fandikana ny Didin'Andriamanitra dia tena mahavery mihitsy, ka dia tsy hahatsapa ny vidin'ny sorona nataon'i Kristy izay hany fanantenana famonjena ho azy. Ny lalàn'Andriamanitra dia fitaovana mahatonga fibebahana marina. Tsy misy tena fibebahana marina raha tsy misy fiaikena fahotana.
Izao no ambaran'ny Soratra Masina: "fa ota ny fandikana ny lalàna" ary koa ny lalàna no ahazoana fahalalana marina ny amin'ny ota" – Rom. 3:20.
Mba hahafahana mahita ny heloka dia tsy maintsy tsaraina amin'ny filamatra Lehiben'ny fahamarinan'Andriamanitra ny toetry ny mpanota. (...) Koa rehefa ambaran'ny lalana ny fahotana dia teraka ny fanafodiny. Ny filazantsaran' i Kristy irery no afaka manome famelan-keloka. (...)
Raha tsy misy fibebahana marina dia tsy misy fiovam-po marina. Maro no kivy eto ary matetika loatra ny fanandramany no manaporofo fa tsy mahomby izy. Izany no mahatonga ny maro hamonjy fiangonana fotsiny saingy tsy tafaray amin'i Kristy akory. (...)
Eo amin'ny fahateraham-baovao dia nohavaozin'ny fahasoavan'Andriamanitra ny fo mba hirindra miaraka Aminy ho amin'ny fanarahana ny lalany. Rehefa tanteraka ity fiovana lehibe ity dia hiala avy fahafatesana ho amin'ny fiainana ny mpanota (...) Dia ho tanteraka ao amintsika ny "fahamarinan'ny lalàna" izay "tsy mandeha araka ny nofo, fa araka ny Fanahy" – Rom. 8:4. — SP, 4:297, 298.