"Indro, efa mitsangana eo am-baravarana Aho ka mandôndôna; raha misy mihaino nyfeoko ka mamoha ny varavarana, dia hiditra ao aminy Aho ka hiara-misakafo aminy, ary izy amiko." Apôk. 3:20.
Mofon’aina:
Izay rehetra manokatra ny fony ho an'i Jesosy dia handray Vahiny manan-kaja ao aminy. — RH, 24 Nôvambra 1885.
I Jesosy no modely tonga lafatra. Aoka isika hitady izay hanehoantsika ny endriny fa tsy hanao izay mahafinaritra sy tiantsika fotsiny. Tsara fanahy sy nahalala fomba lzy, ary be fangorahana sy fitiavana. Moa mba toa Azy ve isika amin' izany lafiny izany? Miezaka ve isika mba ho feno asa tsara toy ny hanitra ny fiainantsika? (...)
Tsy ampy ny fiaikem-pinoana fotsiny; mihoatra lavitra noho izany no ilaina. Mila fahalalana marina sy fanandramana velona ireo foto-kevitry ny fahamarinana araka ny ahitana azy ao amin'i Jesosy isika. Tsy maintsy miasa ao anatintsika ny Fanahy Masina, manazavatsara ireo foto-kevitra ireo mba ho takatry ny sa ina, ka hahafantarantsika ny heriny sy hahatonga izany ho zava-misy marina. (...)
Ho hitantsika fa ny sakana, ny fanoherana, ary ny zava-tsarotra atrehintsika dia mety ho tonga fitahiana sarobidy indrindra eo amin'ny fiainantsika, fa tsy ozona tsy akory. Ny ady sarotra sy ny fitsapana mantsy no mamolavola ireo toetra sarobidy indrindra. Kanefa tsy maintsy raisina toy ny lesona momba ny fiainana ampianarina ao amin'ny sekolin'i Kristy izany. Manome fanandramana vaovao ho antsika ny fakam-panahy tsirairay resintsika sy ny fitsapana atrehintsika am in-kerim-po, ary mampandroso antsika eo amin'ny famolavolana toetra tsara. Manjary mazava amintsika kokoa ny fomba fiasan'i Satana, sy ny fananantsika hery handresena azy noho ny fahasoavan'Andriamanitra.
I Jesosy no fahazavan'izao tontolo izao. (...) Tombontsoa ho antsika ny mandeha eo amin'ny fahazavan'ny fanatrehany, sy ny mamolavola toetra sarobidy — dia fifaliana, fankasitrahana, fahari-po, ary fitiavana. Toy izany no anehoantsika ny herin'ny fahasoavan'Andriamanitra, ary hitara-fantsika ny fahazavana avy any an-danitra na dia eo anivon'ny ahiahy sy ny fanelingelenana eo amin'ny fiainana isan'andro aza. - RH, 24 Nôvambra 1885.