"Sambatra izay voavela ny helony sy voasarona ny fahotany. Sambatra izay olona tsy hisain’i Jehovah heloka." - Rôm. 4:7,8.
Mofon’aina:
Afaka mitodika amin' ilay Mpanavotra antsika amim-pitokisana feno ny fontsika rehefa misaina ny amin'izay nataony ho antsika isika (...). Azontsika atao ny mitsahatra ao amin'ny Fitiavany noho ny amin'ny finoana. Hoy lzy: "Izay manatona Ahy dia tsy mba holaviko mihitsy." - Jao. 6:37.
Mampivarahontsana ny mijoro eo anatrehan'Andriamanitra mitafy akanjo feno fahotana, eo anoloan' ny masony izay mamaky ny tsiam-baratelo m-piainants i ka rehetra. Noho ny fahamendrehan'ny sorona nataon'i Kristy anefa dia afaka ny ho madio sy tsy misy pentina eo anatrehan'Andriamanitra isika; efa nanaovana fanavotana ny fahotantsika ary efa voavela. "Raha miaiky ny fahotantsika isika, dia mahatoky sy marina Izy ka mamela ny fahotantsika sy manadio antsika ho afaka amin'ny tsi-fahamarinana rehetra." - 1 Jao. 1:9. Ny mpanota voavotra, izay mitafy ny fahamarinan'i Kristy, dia hahajoro manoloana ilay Andriamanitra mankahala ota; ho tanteraka noho ny fahamendrehan'ny Mpamonjy izy.
Amin'ny alalan'ny finoana ny anaran'i Kristy ihany no hamonjena ny mpanota. (...) Tsy asan'ny zavaboary ny finoana an'i Kristy, fa asan'Andriamanitra ao amin'ny fisainan'ny olombelona. Ny Fanahy Masina no miasa ao amin'ny fanahy tsirairay, Izy no manambara an'i Kristy araka izay anambarana an'i Kristy ao amin'ny Ray. Ny finoana no fahatokiana amin'ny zavatra antenaina, ary fanehoana ny zavatra tsy hita. Ambony noho izay rehetra antsoin'ny olona hoe siansa izany, noho ny hery manamarina sy manamarina. (...) Tsotra tokoa ny finoana ka na ny zaza aza mahatakatra azy, nefa tsy hain'izay manam-pahalalana indrindra hazavaina izany. (...) - RH, 3 Nôvambra 1904.
Tsy hay lazaina manao ahoana re ny fitiavana nasehon'ny Mpamonjy tamin'ny zanak'olombelona! Tsy nanaisotra ny mariky ny fahotana fotsiny Izy fa manadio ny fanahy koa ary mampitafy azy ny akanjom-pahamarinany, izay tsy misy pentina sy notenomina tany amin'ny fanenoman' ny lanitra. Tsy nanaisotra ny ozona nitambesatra tamin'ny mpanota fotsiny Izy, fa nampiraisiny Aminy koa izy ary navelany hamirapiratra aminy ny taratra mazavan'ny Fahamarinany. (...) Voninahitra manao ahoana re no averin'ny olombelona lavo iray amin'Andriamanitra rehefa mibebaka sy mino izy! - RH, 23 Mey 1899.