"Fa isika tsy manna mpisoronabe izay tsy mahay miara-mitondra ny fahalementsika, fa Izay efa nalaim-panahy tamin 'ny zavatra rehetra tahaka antsika, kanefa tsy nanana ota." Heb. 4:15.
Mofon’aina:
Raha nentina nankany an-efitra mba halaim-panahy i Jesosy, dia ny Fanahin'Andriamanitra no nitondra Azy. Tsy nitady ny fakam-panahy Izy. Nandeha tany an-efitra Izy mba ho irery, handinika ny iraka nampanaovina Azy sy ny asany. Amin'ny alalan'ny fifadian-kanina sy ny fivavahana no hampaherezany ny Tenafly hiatrika ny lalana voapentin'ny ra izay tsy maintsy hodiaviny. Fantatr' i Satana anefa fa nankany an-efitra ny Mpamonjy, ka noheveriny fa io no fotoana mety indrindra hanatonana Azy. (...) Efa nandalovan'i Kristy ireo dingana izay tsy maintsy lalovan'ny mpanota rehetra: ny fiovam-po, ny fibebahana, ary ny batisa. Tsy nanana ota tokony hibebahana na hosasana Izy. Kanefa ohatra ho antsika amin'ny zavatra rehetra Izy, koa dia tsy maintsy nataony izay tiany hataontsika. (...)
Zanak'Andriamanitra mandrakizay Izy, saingy amin'ny maha-mpiantoka ny olombelona Azy, dia tsy maintsy niatrika sy nanohitra ny fakam-panahy rehetra manjo ny olona Izy. (...) Teo am-pilanjany ny fahotan'izao tontolo izao izay mavesatra tokoa, dia noreseny ny fakam-panahy lehibe momba ny fitiavan-komana, momba ny fitiavana izao tontolo izao, ary momba ny fitiavana sehoseho izay mitarika ho amin'ny avonavona. (...)
Raha mibanjina amim-pahatokiana Ilay Kapithomby amin'ny ady ataony amin'lo(...)Methomaro ny fahalemeny sy ny fahotany, ary tsy azo anoharana ny tsy fahalalany; nefa raha mahatsapa ny fahalemeny izy ireo ka mitodika any amin'i Kristy hahazoana fanampiana, dia Izy no ho heriny sy fahombiazany. (...) Hiova ny toetrany noho ny herin'i Kristy. (...) "Manoatra noho ny mpandresy" izy ireo amin'ny alalan'ny fahamendrehana sy ny hery omeny. Hisy fanampiana tsy avy amin'ny herin' olombelona homena azy, hahatonga azy, na be fahalemena aza, hahay ny zavatra rehetra. (...)
Amim-pinoana no hilazany amin'ny fahavalo hoe: "Miady ny ady tsaran'ny finoana izahay, eo ambany fifehezan'ny Hery Tsitoha. Satria velona Izy, dia ho velona koa izahay. Voatohitray amin'ny alalan'i Jesôsy (...) ny zana-tsipika mirehitra rehetran'ny fahavalo. » - ST, 12 Marsa 1912.