Taorian'ny firodanan'ny fanjakan'i Babilôna sy ny fisandratan'ny fanjakan'i Media sy Persia dia Jiosy maro no niverina tany amin'ny tanindrazany. Tsy ny rehetra. anefa no niverina. Nijanona teo amin'izay nonenany hatramin'ny taranaka teo alohany na mihoatra aza, ny sasany tamin'izy ireo.
Eo am-pisaintsainana izany toerana misy azy ireo izany dia hitantsika nyampahany amin'ny tontolon-kevitry ny tantaran'i Estera. "Tamin'izany andro izany, raha nipetraka teo ambonin'ny seza fiandrianan'ny fanjakany, izay tany Sosana renivohitra, Ahasoerosy mpanjaka" - Est. 1:2. Eto no toerana nitrangan'io tantara ara- Baiboly io, ny fanjakana persianina izay teo ambany fanapahan'io mpanjaka io.
Ao amin'ny toko voalohany dia tsy nahita sitraka teo imason'ny mpanjaka intsony ny mpanjakavavy Vasty, ka nahatonga ny mpanjaka hitady mpanjakavavy hafa hisolo azy. Tao anatin'izany tontolon-kevitra izany no nahitana voalohany indrindra an'i Estera sy i Mordekay dadatoany.
Vakio ny Est. 2:1-9. Inona no amplanarin'ireo andininy ireo antsika momba ny toe-javatra natrehin'i Môrdekay sy I Estera?
Voalaza fa nipetraka teo am- bavahadin'ny lapa i Môrdekay, amin'ny maha-tandapa azy, ary nonina tao amin'ny tanànan'i Sosana niaraka tamin'i Estera zanaka vavy natsangany, na zanaky ny mpiray tampo amin'ny ray aman-dreniny raha ny marimarina kokoa. Noho ny toerana notanan'izy ireo sy ny faritra nonenany dia tafiditra tao anatin'ny kolontsaina persianina izy ireo. Azo antoka fa anisan'ny antony nahatonga an'i Estera ho voafidy haseho amin'ny mpanjaka izany: "mba nentina ho ao an-tranon'ny mpanjaka koa Estera ho amin'ny fehin'i Hegay, mpifehy ny vehivavy" - Est. 2:8.
Vakio ny Est. 2:10, 20. Inona no mitranga eto, ary nahoana i Môrdekay no nanome azy baiko toy izany?
Na dia tsy nilaza mazava ny antony aza ny andalan-tenin'ny Baiboly dia tsy sarotra ny haminavina izany. Amin'ny maha vahiny azy tany amin'ny kolontsaina sy ny fivavahan'ny hafa izay mety hampidi- doza, araka izay ho hitantsika, dia naneho fahendrena izy ireo tamin'ny fanginany momba ny fianakaviany sy ny vahoakany.
Toe-javatra manao ahoana no mety hieritreretanao fa malina kokoa ny tsy firesahana mivantana momba ny finoantsika? Sa tsy tokony hanao izany mihitsy Isika? Ary raha izany, nahoana?