"Ny very hotadiaviko, ny voaroaka hampodiko,ny folaka hohamarako, ny malemy hohatanjahiko; fa ny matavy sy ny matanjaka kosa dia haringako ka handrasako amin'ny fitsarana." Ezek.34:16.
"Fa raha izany, dia hiposaka tahaka ny fahazavan'ny maraina ny fahazavanao, ary ho tonga faingana ny fahasitrananao; ny fahamarinanao ho loha-làlanao, ary ny voninahitr'i Jehôvah ho vodi-làlanao." - Isa. 58:8.
Vakio ny Jos. 9:1-20. Inona no mampitovy sy mahasamy hafa ny tantaran'i Rahaba sy ny an'ireo Gibeonita? Nahoana no manan-danja izany?
Manomboka amin'ny fampahafantarana antsika io toko ao amin'ny Josoa io fa ireo mpanjaka kananita izay efa zatra nanjaka tao amin'ireo tanana-fanjakana madinika dia nanapa-kevitra ny hitambatra hanohitra ny Isiraelita. Ny mponin'i Gibeona kosa nanapa-kevitra ny hanao fanekena amin'ny Isiraely.
Vakio ny Jos. 2:12-21 sy ny Eks. 12:13,22,23. Ahoana no anampian’ireo andininy ao amin'ny Eksodosy anao hahatakatra ny fifanarahana teo amin'ireo mpisafo tany sy i Rahaba?
Vakio ny Jos. 2:1, Nom. 13:1,2,25-28,33 sy ny Nom. 14:1-12. Nahoana i Josoa no naniraka mpisafo tany roa ho fanombohana ny fanatanterahany ilay iraka mba haka ny tany Kanana?
Tsianjery: "Finoana no tsy nahafaty an-dRahaba janga niaraka tamin’ny tsy nino, satria nandray ny mpisafo-tany talin’ny fihavanana izy." - Heb.11:31
Nahoanan re aho no nanao izany indray e? Angamba efa niteny toa izany avokoa isika rehetra. Ny tantara rahateo miverina, ary tsy vitan'izany fa ny olombelona koa, ary isika manokana, dia mamerin-javatra. Impiry moa isika no mamerina fahadisoana iray!
