March 2026

Ny fitoerana ao amin'i Kristy indraindray no zavatra sarotra tanterahina indrindra. Mety fantatsika tokoa fa izany no ilaintsika, saingy mipaoka antsika ny riakan'ny rotorotam-piainana, ka manjary sarotra loatra ny fahitantsika izany. Toy ny enta-mavesatra indrindra no fahitana ny fanarahana an'Andriamanitra, indrindra ho an'ireo izay mahatsapa ho teren'ny hafa hanaraka an'i Jesosy. Ny karazam-pivavahana toy izany dia mety ho toy ny asa an-terivozona, satria mifantoka amin'izay miseho ivelany fotsiny fa tsy amin'izay ao am-po.

Tia antsika Andriamanitra na dia fony tsy mbola teraka akory aza isika; planiny ny hahalala antsika sy ny hahalalantsika Azy. Mitady antsika Izy, toy ny Mpiandry tsara, ary manasa antsika hitoetra ao Aminy isan'andro. Ny hany Ilaintsika dia ny mifidy ny hamaly ny antsony, ary ny hanakalo ny fahantrantsika sy ny toetra maha Laodikianina antsika amin'ireo fanomezan-tsoa avy Aminy (jereo ny Apôk. 3:18,19).

Nanaraka an'i Jesosy nidina tamin'ilay tohatra tery avy tao amin'ny efitrano ambony, ho any an-dalambe, ireo mpianatra. Raha niara-nizotra ho any Getsemane izy ireo, tamin'io alina iray izay anisan'ny manan-danja indrindra eo amin'ny tantaran'ny tany io, dia azo heverina fa tsy tsapan'izy ireo akory ny halalin'ny teny farany nataon'i Jesosy taminy tao amin'ny efitrano ambony.

Inona no nambaran'i Jesosy ao amin'ny Jao. 15:1-11? Inona no hevitr'izany ho antsika?

Rehefa avy niresaka momba ny toetrantsika feno fangatsiahana i Jesosy, dia milaza amintsika fa tokony horesena izany. "Izay maharesy dia havelako hiara-mipetraka amiko eo ambonin'ny seza fiandrianako dia tahaka ny nandreseko kosa sy ny niarahako nipetraka amin'ny Raiko eo ambonin'ny seza fiandrianany. - Apôk. 3:21.

"Izay rehetra tiako no anariko sy faizako hoy i Jesôsy ao amin'ny Apôk. 3:19. "Koa dia mazotoa hianao, ka mibebaha." Tsy misy amintsika afaka hilaza marina, na dia iray segondra monja aza, fa tsy mihevitra ny momba antsika na momba ny hoavintsika i Jesôsy. Tena mora Taminy tokoa ny nahafoy ny taranak'olombelona ka tsy ho nandeha tamin'ilay lalana feno hirifiry izay nofidiny teto amin'ity tany ity. Kanefa noho ny halalin'ny fitiavany antsika indrindra no ananarany antsika eo amin'izao toerana misy antsika izao. Maniry fifandraisana mafy orina sy lalindalina kokoa amintsika Izy.

Efa mba nanontany tena ve ianao ny amin'izay mety holazain'i Jesôsy raha toa Izy hanoritsoritra ny fifandraisanao Aminy amin'izao fotoana izao? Mety hilaza Izy fa mafy orina izany, na koa nihamafy orina kokoa noho ny tamin'ny lasa. Efa mba nanontany tena ny amin'izay mety holazain'i Jesôsy ve ianao raha toa Izy milazalaza momba ny olona amin'izao andro farany izao? Izany tokoa no ataony ao amin'ny Apôk. 3:14-22. Atombony amin'ny filazana izany fa Izy Ilay "mahatoky sy marina, Izay niandohan'izao zavatra noharin'Andriamanitra izao" - Apôk. 3:14.

Hodinihina mandritra ny herinandro: Apôk. 3:14-22; Apôk. 4:9-11; Gen. 2:7; Gen. 3:8-10; Jer. 31:3,4; Jao. 15:1-11; Rom. 8:9-11.

Tsianjery: "Tahaka ny nitiavan'ny Ray Ahy no nitiavako anareo; tomoera amin'ny fitiavako hianareo." Jao. 15:9

Ny fanahy izay milefitra amin'i Kristy, dia manjary tanana mimanda ho Azy, izay anjakany eo anivon'izao tontolo izao mikomy aminy, ary ny kasainy dia tsy hisy fahefana hafa hekena ao afa-tsy ny Azy irery ihany. Ny fanahy izay voatahirin'ny anjelin'ny lanitra ho an'Andriamanitra toy izany, dia mahatohitra ny fanafihan'i Satana. Nefa raha tsy manolo-tena tokoa hofehezin'i Kristy isika, dia hotapahin'ilay ratsy. Tsy maintsy ho eo ambanin'ny fifehezan'ny anankiray amin'ireo hery lehibe roa izay milofo mafy ho tompon'ny fahefana fara tampony eto amin'izao tontolo izao isika.

Eo am-pisaintsaina momba ny hafatr'i Jesosy ho Vakio ny Kol. 4:16-18; ampitahao amin'ny Kol. 2:1-3. an'l (jereo lesona omaly), inona ny fifandraisana hitanao amin'ny hafatra ho an'ny Kolosianina, izay natao hovakina ao amin'ny fiangonan'i Laodikia tamin'ny andron'i Paoly koa?

Vakio ny Kol. 4:14,15 sy ny 2 Tim. 4:10,11. Inona no mampiavaka an'i Lioka amin'i Demasy ary nahoana?

Hoy ny apostoly Jaona: "Aza tia izao tontolo izao, na izay zavatra eo amin'izao tontolo izao. Raha misy olona tia izao tontolo izao dia tsy ao anatiny ny fitiavana ny Ray. - 1 Jao. 2:15. Nahatonga an'i Lioka hiaraka tamin'i Paoly hatramin'ny farany, na inona na inona mety hitranga, ny fitiavany an'i Jesosy sy ny fanjakany, fa i Demasy kosa tia izao tontolo izao mihoatra noho ilay tontolo ho avy.