March 2026

Boky maro no voasoratra momba ny fiainana misy tanjona sy ny fiangonana misy tanjona. Na tsy ny tanjona loatra aza no mitarika eo amin'ny fiainana, dia tena ilaina kosa ny mifantoka amin'ny tanjona mazava mba hahatanterahana ny asa manan-danja rehetra. Hita teo amin'ny fiainan'i Paoly sy ny asany izany, ary koa teo amin'ny mpiara-miasa aminy sy ny apostoly hafa (jereo ny Fil. 3:13,14). Ny vokatra dia miresaka ho azy-niparitaka haingana eran'ny Fanjakana Romanina sy tany ankoatra izany ny filazantsara (Kol. 1:23). Ilaina izany fifantohana izany ankehitriny.

Eto amin'izao tontolo anjakan'ny aterineto sy ny tambajotra sosialy ary ny fitaovana maro samihafa izao, dia sarotra ny mahazo an-tsaina ny fahasahiranana natrehin'i Paoly tamin'ny fiezahana hanampy ny fiangonana mba hahatsapa fa manana anjara amin'ny zavatra lehibe lavitra noho ny fiangonany eo an-toerana izy ireo.

Vakio ny Kol. 4:10,11. Ankoatra ny fandefasana sy fandraisana vaovao amin'ny alalan'ny iraka (Kol. 4:7-9), inona avy ireo fomba hafa nampiasain'i Paoly mba hanamafisana ny fifandraisana?

Misy zavatra maro azo ianarana avy amin'i Paoly momba ny fitoriana ny filazantsara. Manodidina ny 21.564 kilaometatra ny halaviran'ny dia nataony. Mahavariana izany, satria nandehanany an-tongotra ny ampahany betsaka amin'izany, ary nisy ampaham-potoana koa naha tao an-tranomaizina azy.

Hodinihina mandritra ny herinandro: Kol. 4:7-18; Efes. 6:21; Asa. 15:36-40; 2 Tim. 4:10, 11; 2 Pet. 3:10-14; Isa. 60:1-3.

Tsianjery: "Misaora amin'ny zavatra rehetra; fa izany no sitrapon'Andriamanitra ao amin'i Kristy Jesôsy ho anareo."-1 Tes. 5:18.

Ny ankohonana dia tokony hahatsapa ny andraikitra "Ny tsirairay avy ao anatin'ny ananany ka hanao izay tandrify azy mba hisian'ny fiadanana sy ny filaminana ary ny firindrana ao an-tokantrano. Tsy misy tokony hiasa hanohitra ny hafa. Ny rehetra no tokony hiara-miezaka mba hifanohana sy hifandrisika; aoka izy ireo haneho fahalemem-panahy sy faharetana, tsy hampiaka-peo fa ho tony ka hanalavitra ny fikorontanana; ary ny tsirairay no tokony hanao izay tratrany mba hanamaivanana ny enta-mavesatra entin'ny renim-pianakaviana. (...)

Inona no fahamarinana manan-danja indrindra natao ho fantatsika amin'ny maha Kristianina antsika? fahotantsika izany, ary koa ny fahazoantsika ny fiainana mandrakizay amin'ny Mazava loatra fa ny fahafatesan'i Jesôsy Kristy noho ny alalan'ny finoana Azy. Fahamarinana izay tsy ho fantatsika samirery mihitsy izany, fa tsy maintsy ambara na ampahafantarina antsika. Ary ao amin'ny Tenin’Andriamanitra no anambarana azy.

Vakio ny Kol. 4:2-4. Inona no fitsipika mahakasika ny vavaka hitanao ao amin'ireo toko sy andininy ireo? Inona no antom-bavaka ataon'i Paoly eto?

Vakio ny Kol. 3:22-25 sy ny Kol. 4:1. Inona no torolalana omena ny mpanompo? Inona no fitsipika omena eto mahakasika ny fifandraisana araka asa ankapobeny?

Mitana anjara toerana lehibe eo amin'ny fiainan-tokantrano ny zanaka. Tsara ny hampahafantarana azy ireo fa tiana izy ary omena tombambidy amin'ny maha isan'ny ankohonana sy olom-pirenen'ny fanjakan'ny lanitra azy. Manan-danja tokoa ny fiaraha-mivavaka ataon'ny mpianakavy, fivavahana izay tsotra nefa mitohy, ary atao marain-tsy hariva. Raha mbola kely ny ankizy dia efa afaka manampy ny ray aman-dreny amin'ny fanadiovana sy ny andraikitra hafa.

Ahitana torolalana marobe ho an'ny tokantrano kristianina ao amin'ny Testamenta Vaovao (jereo ny Efes. 5:21-6:9; Kol. 3:18-4:1; Tit. 2:1-10; 1 Pet 2:18-3:7). Ireo "fitsipika momba ny tokantrano" ireo, araka izay iantsoana azy, dia tsy miorina fotsiny amin'ny rafitra antanan-tohatra fa ahitana singa manampy amin'ny fananana fifandraisana tsara kokoa sy mahasoa ny andaniny sy ny ankilany.

Vakio ny Kol. 3:18,19. Inona ny fifandanjana hitanao eto? Inona no torohevitra fanampiny omen'i Paoly ao amin'ny Efes. 5:22-25,33