Mampahafantatrany tenany ho apostolin'i Jesôsy "noho ny sitrapon'Andriamanitra" - 1 Kor. 1:1 (ampitahao amin'ny 2 Kor. 1:1) i Paoly eo am-panombohana ny epistiliny ho an'ny Korintiana. Mafy orina ny faharesen-dahatra nananany momba ny maha-izy azy ao amin'i Jesosy, hany ka saika izany mandrakariva no formba anombohany ny epistiliny rehetra.
Vakio ny 1 Kor. 1:1 sy ny Rom. 1:1. Inona ireo singa roa asongadina ao amin'ny fanompoan'i Paoly ao amin'ireo andininy Ireo? (Jereo koa ny Gal. 1:1.)
Miresaka ny amin'ny fiantsoana azy sy ny maha-apostoly azy i Paoly ho toy ny fanatanterahana ny sitrapon'Andriamanitra. Resy lahatra izy fa tsy avy amin'ny olona ny fiantsoana azy, fa avy amin'Andriamanitra (Gal. 1:1). Tahaka an'i Jeremia dia efa nantsoin'Andriamanitra hatrao an-kibon-dreniny i Paoly (Jer. 1:5) ho fanehoana ny fahasoavan'Andriamanitra (Gal. 1:15), ary izany dia ny mba hitoriany ny filazantsaran'i Kristy any amin'ny jentilisa.
Ambaran'i Paoly ho isan'ireo nisehoan'i Kristy taorian'ny nitsanganany tamin'ny maty ny tenany ao amin'ny 1 Kôr. 15:8 (1 Kôr. 15:5-7). Any amin'ny andininy any aoriana, dia milaza izy fa vokatry ny fihaonany tamin'i Jesôsy ny fiantsoana azy ho apostoly (1 Kôr. 15:9-11).
Mahafaoka foto-kevitra maromaro ny anarana hoe "apostolin'i Jesôsy". Voalohany, ilazana olona izay nirahin'i Jesôsy izany. Ampiasain'i Paoly koa anefa io teny io hamaritana ny tenany ho mpanompon'i Kristy (Rôm. 1:1, Tit. 1:1, Gal. 1:10), ary koa ho mpitory teny sy mpampianatra (1 Tim. 2:7, 2 Tim. 1:11). I Kristy mandrakariva no misongadina na mitory izy na mampianatra. Raha tsorina, apostolin'i Jesôsy i Paoly.
Tsy ivon'ny maha-apostoly an'i Paoly fotsiny i Jesosy, fa ivon'ny flainany manontolo mihitsy. Feno ny fanatrehan'i Jesôsy ny fisainan'i Paoly sy ny fihetseham-pony. Porofon'izany ny firesahany imbetsaka momba an'i Jesôsy ao amin'ny teny fampidirana sy ny teny fisaorana ataony ao amin'ny 1 Kôr. (in-tsivy ao anatin'ny andininy sivy). Tiany tokoa i Jesôsy ka tsy hainy ny tsy hisaintsaina sy tsy hiresaka momba Azy. Naniry hizara an'i Jesôsy tamin'ireo olona teo ambany fiahiany izy mba ho ivon'ny fiainan'izy ireo koa i Kristy. Raha nantsoina ho apostoly i Paoly, izy ireo kosa dia nantsoina ho mpanara-dia an'i Jesosy mahatoky amin'izay asa rehetra iantsoan'ny Tompo azy.
Nantsoina ho apostoly i Paoly. Ary ianao? Ahoana no ahafantaranao ny fiantsoana anao? Raha mihevitra lanao fa tsy mba antsolna, Inona no mety ho lesoka eo amin'ny fifandraisanao amin'Andriamanitra?