"Moa hianareo tsy manao hoe va: Efa-bolana no sisa, dia tonga ny fararano? Indro, lazaiko aminareo: Atopazy ny masonareo, ka jereo ny eny an-tsaha, fa efa masaka sahady hojinjaina izy." — Jao. 4:35.
"Fa raha tonga ny Fanahin'ny fahamarinana, dia Izy no hitari-dàlana anareo ho amin'ny marina rehetra; fa tsy hiteny ho Azy Izy, fa izay ho reny dia holazainy avokoa; ary ny zavatra ho avy aza dia hambarany aminareo." — Jao. 16:13.
"Mamafaza ho anareo araka ny fahamarinana, mijinjà araka ny fitiavana, hevoy ny tombam-borakareo; fa izao no andro hitadiavana an'i Jehovah ambara-pihaviny sy handatsahany fahamarinana aminareo." — Hôs. 10:12.
"Taiza ary hianao, fony Aho nanorina ny tany? Ambarao, raha hainao. Iza ary no nandidy izay ho refiny, raha fantatrao? Ary iza no nanenjana ny famolaina teo aminy?" — Jôba 38:4,5.
"Izany voaloboka izany (...) voavoly tao amin'ny saha tsara teo amoron 'ny rano be izy mba handrantsana sy hamoa ka ho voaloboka tsara indrindra." — Ezek. 17:7,8.
Mofon’aina Ny rafi-pandaminana mikasika ny ampahafolony dia napetrak' Andriamanitra ho toy ny fandaminana tsara indrindra hanam-piana ny olona amin'ny fanatanterahana ny foto-kevitry ny lalàna. Raha ankatoavina ny lalàna, dia hampitokiana ny olona ny tanimboaloboka iray manontolo (...).
"Ary izay hendry dia hamirapiratra toy ny famirapiratry ny lanitra; ary izay mamerina ny maro ho amin'ny fahamarinana dia ho tahaka ny kintana mandrakizay doria." — Dan. 12:3.
"An'i Jehovah ny tany sy izay rehetra eo aminy. Izao rehetra izao sy ny mponina eo aminy." — Sal. 24:1.
Mofon’aina: Ny "andro fahafito amin 'ny volaa fahafito, dia amin'ny andro fanavotana no itsofanareo ny anjomara" amin'ny andro Jôbily eran-tany sy hiantsoana ny zanak'i Jakôba rehetra hiarahaba ny taom-panafahana. Narahabaina tamim-piravoravoana tahaka ny nanomboka tamin'ny andro lehibe fanavotana izay nanaovana ny famelana ny heloka rehetra vitan'ny Isiraely io taona io.
"Enin-taona no hamafazanao ny taninao, enin-taona no hanamboaranao ny sahanao sy hanangonanao ny vokatra; .fa ny taona fahafito kosa ho tena fitsaharana ho an'ny tany, dia sabata ho an'i Jehovah; aza mamafy amin'ny taninao hianao, ary aza mamboatra ny sahanao." — Lev. 25:3,4.
"Aoka hidera Azy ny lanitra sy ny tany, ny ranomasina sy izay rehetra mihetsika ao aminy. Fa Andriamanitra hamonjy an'i Ziona sady hanangana ny tanànan'ny Joda; ary hitoetra ao ny olony ka ho tompony." Sal. 69:34,35.
"Ary Izay manome voa ho an 'ny mpamafy sy mofo hohanina dia hanome sy hahabe ny voa afafinareo ary hampitombo ny vokatry ny fahamarinanareo, dia hanan-karena amin'ny zavatra rehetra hianareo ka handroso amin'ny hitsim-po, izay mahatonga ny fisaoranay an 'Andriamanitra." — 2 Kôr. 9:10,11.
