Fianarana fanampiny
"Tsy azon'ny vahoaka tamin'ny andron'i Kristy ny asa nanirahana Azy. (...) Ny fampianarana voatolotry ny razana, ny tepy zary ohabolana sy ireo didy nataon'olombelona dia nanakona teo anatrehany ny lesona nokasain Andriamanitra hatolotra azy. Nanjary zavatra nanakana azy tsy hahazo sy tsy hahatanteraka ny fivavahana marina ireo teny izay zary ohabolana sy ireo lovan-tsofina. Ary rehefa tonga tokoa ny Tena Izy, teo amin'ny tenan'i Kristy, dia tsy hitany teo aminy ny fahatanterahan'ireo tandindona rehetra fahitany, ny fototr'ireo aloka rehetra nipetrahany. Notsipahiny ny tena izy fa nifikitra tamin'ny tandindona sy ny fanompoam-pivavahana tsy misy antony intsony izy ireo. Efa tonga ny zanak Andriamanitra nefa mbola nangataka famantarana ihany izy. Ny hafatra manao hoe: 'Mibebaha hianareo, fa efa akaiky ny fanjakan'ny lanitra' dia novaliany tamin'ny fangatahana fahagagana. Vato nanafintohina azy ny Filazantsaran'i Kristy satria famantarana no nangatahiny fa tsy ny Mpamonjy. Nanantena izy fa ny Mesia dia hanamarina ny tena maha-Mesía azy tokoa tamin'ny alalan'ny asa mahery vaika hanorenana ny fanjakany eo ambonin'ny faharavan'ny fanjakana eto an-tany. lo fanantenana io no novalian'i Kristy tamin'ny alalan'ny fanoharana momba ny mpamafy. Tsy amin'ny herin'ny fiadiana na amin'ny fanelanelanana feno hery no handresen'ny fanjakan Andriamanitra, fa amin'ny fampaniriana foto-kevitra vaovao ao am-pon'ny olona." - HF, tt. 20,21.
"Mila Kaleba sy Josoa mahatoky ny fiangonana, izay vonona handray ny fiainana mandrakizay amin'ny fepetra tsotra avy amin'Andriamanitra, dia ny fankatoavana. Ory mpiasa ny fiangonantsika. Izao tontolo izao no saha iasantsika. Mila misionera any amin'ireo tanána sy vohitra izay voagejan'ny fanompoan-tsampy mihoatra lavitra noho ireo jentilisa any Atsinanana, izay tsy mbola nahita mihitsy ny fahazavan'ny fahamarinana. Niala tamin'ireo fiangonana izay mitonona ho mahatoky indrindra ny toe-tsaina misionera marina; tsy mirehitra ao am-pony intsony ny fitiavana hamonjy fanahy sy ny faniriana hitondra azy ireo ho ao am-balan'i Kristy. Mila mpiasa mazoto isika. Tsy misy afaka hamaly ka vonjeo izahay!"?" ve ilay antso re hatraiza hatraiza manao hoe: 'Mità mankatý TFC, b. 4, 1. 156.
FANONTANIANA hifanakalozan-kevitra
1. Ahoana no anampian'ireo tandindona ao amin'ny Baiboly anao hahatakatra tsara kokoa ny asa ataon'i Jesosy Kristy ho anao?
2. Amin'ny lafiny inona no itovian'ny adintsika ara-panahy amin'ny fakana ny tany Kanana, ary inona no maha-samy hafa azy?
3. Saintsaino ny fahatanterahana faratampon'ilay tandindon'i Josoa. Ahoana no mahatonga ny fieritreretana ny amin'ilay tontolo tsy misy fanaintainana, fijaliana, ary fahafatesana hitondra fanantenana marina ho antsika ao anatin'ny tolona isan'andro ataontsika eo amin'ny fiainana?
4. Naneho ny toetran'Andriamanitra i Josoa; naneho mialoha ny asa fanompoan'i Kristy ny fiainany. Amin'ny fomba ahoana no ahafahanao mamela an'i Jesosy hametraka ny toetrany ao anatinao sy eo amin'ny fiainanao amin'ny fahafenoany kokoa?