Mazava tokoa ny hafatra ambaran'ny 1 Kor. 1:18 ka tsy misy tokony ho diso fandray izany. Miankina amin'ny fomba fijerin'ny olona mikasika ny hazo fijaliana ny hevitry ny hazo fijaliana. Fahadalana izany ho an'ireo izay mikomy amin'Andriamanitra, fa hery kosa ho an'ireo maniry fatratra ny Famonjeny.
Vakio ny Kol. 1:20 sy ny 1 Pet. 2:24. Inona no nataon'i Jesôsy ho antsika teo amin'ny hazo fijaliana?
Araka izay efa hitantsika, izay mitory ny filazantsara, dia aoka "hitory ny filazantsara, tsy tamin'ny teny fahendrena, fandrao ho foana ny hazo kaftan? Kristy." - 1 Kor. 1:17. Rehefa jerana ny 1 Wk. 1:17, dia manjary mora kokoa ny mahatakatra ny antony ilazana fa ny herin'Andriamanitra no mifanohitra amin'ny fahadalana, fa tsy ny fahendren'olombelona (1 Mir. 1:18). Ny hazo fijaliana, izay mifanohitra amin'ny fahendren'olombelona, no maneho indrindra ny fahadalan'ny fahendren'olombelona.
Ny dikanteny grikan'ny 1 Kôr. 1:18 dia milaza fa mandray ny vokatry ny asany ireo "izay ho very." Azo vakina toy izao izany: "Fa ny hafatra ny amin'ny hazo fijaliana dia fahadalana ho an'ireo manimba ny tenany." Ny matoanteny grika apollymi ("very") dia azo adika ihany koa hoe "manimba" na "mandringana" (Jao. 10:10). Nadika hoe "hofoanana" ny apollymi ao amin'ny 1 Kôr. 1:19.
Inona no mitranga eto? Omen, Paoly ny fototra ara-Baiboly iorenan'io fanambarana io ao amin'ny and. 18, momba ireo izay ho very, ka averiny ao amin'ny and. 19 ny tenin'Andriamanitra ao amin'ny Isa. 29:14. Andriamanitra no ao ambadiky ny fanafoanana ao amin'ny and. 19. Toa manohitra ny avonavona manimba ny tena voaresaka eo aloha izany teny izany, nefa tsy misy fifanoherin-kevitra eto tsy akory. !no no tiana hambara: Andriamanitra dia handringana ireo izay efa manimba ny tenany rahateo.
Eo ankilan'ireo izay ho ringana, ny teny hoe "amintsika izay hovonjena"- 1 Kôr. 1:18, dia milaza fa avy amin'Andriamanitra irery ny famonjena.Ambaran'i Paoly fa hovonjena isika, izany hoe, tsy isika no mamonjy ny tenantsika. Ary mazava loatra fa tsy haintsika ny manao izany, avy ety ivelan'ny tenantsika ny famonjena antsika. Afaka manimba tena ny olona, fa ny famonjena kosa dia tsy maintsy atolotra, fanomezana ho an'ny mpanota noho ny fahasoavana izany. Mazava ny ambaran'ny 1 Kôr. 1:21 fa Andriamanitra no mamonjy ireo izay mino. Ny fahadalana, araka izany, dia ny fandavana ny fanomezana atolotr'Andriamanitra ny zanak'olombelona amin'ny alalan'ny hazo Kristy (1 Kôr. 1:30), ka izany fandavana izany no mitondra fandringanana ho azy.
"Fa fahafatesana no tambin'ny ota; ary fialnana mandrakizay no fanomezam-pahasoavana avy amin'Andriamanitra ao aming Kristy Jesôsy Tompontsika."- Rôm. 6:23. Ahoana no amerenan'io toko sy andininy io izay voalazan'l Paoly ao amin'ny 1 Kôr. 1:18, 19?