Vakio "ny Paska", PM, toko 24.
"Andro firavoravoana natao fahatsiarovana sy tandindona ny Paska. Tsy hoe fampahasiaro-vana ny fanafahana tamin'ny fanandevozana tany Egypta ihany izy, fa koa tandindon'ilay fanavotana lehibe hataori'i Jesôsy ho an'izao tontolo izao. Ny zanak'ondry hatao fanatitra dia tandindon'ny 'Zanak'ondrin'Andriamanitra', Ilay hany fanantenam-pamonjena ho antsika. Fa voavono Kristy 'Paska ho antsika' hoy ny apôstôly (1 Kôr. 5:7). Tsy ampy ny namonoana ny zanak'ondry, fa tsy maintsy natentina teo amin'ny tolam-baravarana koa ny rany. Dia toy izany koa no tsy maintsy hanolorana ny fahamendrehan'ny Mpamonjy amin'ny fanahy izay mino. Tsy hoe akory nanolotra ny ainy ho an'izao tontolo izao fotsiny Jesosy, fa koa ho an'ny tsirairay isam-batan'olona raha tahiny mandray ho an'ny tenany ny herin'ny sorona nataony izy." PM, t. 273 (ed 1985).
Mandraka ankehitriny dia mankalaza ny Paska, na Pesach, ny fianakaviana Jiosy mafana fo manerana izao tontolo izao. Manana ilay fomba antsoiny hoe "Séder de Pessa'h" (midika hoe "fandaharana/fandaminana" ny "Séder") izy ireo, ary mandritra izany dia mitantara ny nanafahana azy tamin'ny fanandevozan'ny Egyptianina izy ireo, avy eo miara-misakafo manokana amin'ny fianakaviana. Mahavariana fa voatahiry hatramin'ny fotoan'ny Eksodosy ka mandraka ankehitriny izany fomba izany! Ny Sabata andro fahafito kosa, izay tandreman'ny Jiosy koa, dia efa nisy hatramin'ny fahagola.
FANONTANIANA hifanakalozan-kevitra
1.Ahoana no ahafahantsika mahatakatra ny "rariny" araka ny fisainan'ny Tompo rehefa namono ny lahimatoan'i Egypta Izy, izay maro tamin'izy ireo по azo antoka fa "tsy nanan-tsiny"? Ahoana no ahafahantsika mampifanaraka izany amin'ilay fahamarinana tsy azo jadian-kevitra momba ny maha-fitiavana an'Andriamanitra? Saino koa ny amin'ny Safodrano. Ahoana no fahatakarantsika izany?
2. Inona no hevitr'ilay fitenenana misy sary an'ohatra hoe: rakofan'ny ran'i Jesôsy ny mpino, ka ny rany no manadio azy ireo ho afaka amin'ny fahotany rehetra?
3.Vakio ity lahatsoratra ity: "Tsy maintsy nandia ny fiainan'i Jesôsy koa ny mpianatra. Tsy maintsy mandray sy mivelona amin'ny Tenin'Andriamanitra Izy mba hahatonga izany teny izany ho vy miaina hampihetsika ny fiainany rehetra. Tsy hanana aim-panahy mihitsy izy raha tahiny ka tsy mihinana ny nofo sy misotro ny ran'ny Zanak'Andriamanitra. Amin'izany ihany no hiovany araka ny endriny sy hahazoany mampiseho ny toetran'Andriamanitra eo aminy." - PM, t. 274. Ahoana no amelantsika an'i Kristy hanatanteraka izay voasoratra eto amintsika?