Vakio ny Sal. 5. Asehon'i Davida ao amin'io asa sorany io ny fahasamihafana lehibe eo amin'ireo Izay very sy Ireo voavotra. Ampitahao amin'ny fomba fiteny ampiasaina ao amin'ny Apôk . 14:1-12 lo Salamo lo. Inona ny fitoviana hitanao ao, ary ahoana no hanampian'izany n'izany anao hahatakatra ny hevitr'izany hoe ao anatin'ny fihetsehan'ny vahoakan' Andriamanitra sisa amin'ny andro farany?
Tsara homarihina ny fanasongadinan'i Davida ny filazana fa "tsy hitoetra" miaraka amin'Andriamanitra ny ratsy (Sal. 5:4). Ny mba hitoeran'Andriamanitra eo amin'ny vahoakany no antony nanorenana ny tabernakely, ary tahaka izany koa any amin'ny fanjakan'i Kristy (jereo ny Apôk. 21:3). Ireo voavotra ihany no hanatona ny seza fiandrianan Andriamanitra.
Tsara koa ny manamarika fa milazalaza momba ny fiankohofana i Davida ao amin'ny Sal. 5:7, ny fiankohofana izay ivon'ny olana ao anatin'ny fifanandrinana lehibe. Indimy ny Apôk. 13 no mamerina ny teny hoe "miankohoka", ary ny hafatry ny anjely telo dia miantso an'izao tontolo izao hoe: "miankohofa eo anoloan'Izay nanao (...)." Milaza amintsika i Davida fa "matahotra" an'Andriamanitra izy, ary ny hafatry ny vahoaka sisa dia manao izao antso izao amin'izao tontolo izao: "Matahora an'Andriamanitra, ka omeo voninahitra Izy; fa tonga ny andro fitsarany." - Apôk. 14:7.
Voalaza koa fa tsy misy "lainga" eo am-bavan'ireo izay voavotra ao amin'ny Apôk. 14; mpilaza ny marina izy ireo, ary ny teny sy ny asa ataony dia maneho taratra ny toetran'Andriamanitra feno fahamarinana. Ambaran'i Davida fa "tsy misy azo itokiana ny aloaky ny vavan'ny ratsy fanahy (Sal. 5:9).
Toe-javatra mahatalanjona no tantarain'i Jaona ao amin'ny ampahan-dahatsoratra manan-danja indrindra ao amin'ny Apôkalipsy: navotana tamin'ny fahafatesana ireo olona mpanota ary nomena tombontsoa hijoro eo amin'ny fanatrehan'Andriamanitra. Tsy nanana fahamendrehana hanao izany izy ireo fa nomena azy izany noho ny amin'llay Zanak'ondrin'Andriamanitra - ny Zanak'olona izay marina miara-mitsangana aminy eo. Voavela heloka izy ireo ary voavotra; tsy hilanja ny helony intsony izy (ampitahao amin'ny Sal. 5:10) satria efa nentin'ilay Zanak'ondrin'Andriamanitra ho azy ireo izany (ampitahao amin'ny Isa. 53:12 sy ny 2 Kôr. 5:21).
Tsy hay ny hangina fotsiny amin'izao rehefa voasoratra ao am-po ny anaran'Andriamanitra. Manao antsom-pamindrampo farany amin'ny "feo mahery" ny vahoakan'Andriamanitra (Apôk. 14:7). "Dia hifaly izay rehetra mialoka aminao, hihoby mandrakariva izy, koa miarova azy Hianao; ka dia ho ravoravo aminao izay tia ny anaranao." - Sal. 5:11.
Alao sary an-tsaina ianao mijoro eo anoloan'ilay Andriamanitra masina sy tonga lafatra ao amin'ny fitsarana ka miharihary eo anatrehany amin'izany ny asa rehetra vitanao. Inona no ambaran'izany mikasika ny filanao ny fahamarinan'l Kristy?