"Ary nampiasaiko ny foko mba hitady sy hikatsaka amim-pahendrena ny zavatra rehetra izay atao aty ambanin 'ny lanitra." - Mpitt. 1:13.
Mofon’aina:
Na manao ahoana na ahoana fandroson' ny fahalalan' ny olombelona, aoka tsy hisy hieritreritra, na kely aza, fa tsy ilaina ny mandalina mitohy ny Soratra Masina mba hahazoana fahazavana bebe kokoa. Antsoina isika tsirairay handinika ny faminaniana, amin'ny maha-vahoakan'Andriamanitra an-tsika. Tsy maintsy fantarintsika tsara ny tara-pahazavana rehetra atolotr 'Andriamanitra antsika. Tokony horaisintsika ny tara-pahazavana voalohan'ny fahamarinana, ary amin'ny fandinihana amim-bavaka dia hahazo fahazavana bebe kokoa isika, izay azo zaraina amin'ny hafa.
Raha milamina sy afa-po amin'ny fahazavana ananany ankehitriny ny vahoakan'Andriamanitra, dia azo antoka fa tsy hankasitraka azy ireo Izy amin'izany. Sitrapony ny handros oan'izy ireo hatrany ka handraisany fahazavana mitombo hatrany. Tsy mahafaly an 'Andriamanitra ny toe-tsain'ny fiangonana ankehitriny. Nanjary natoky tena ny fiangonana ka tsy mahatsapa ny filany fahamarinana sy fahazavana bebe kokoa. Miaina ao anatin'ny vanim-potoana izay iasan'i Satana mafy etsy sy eroa isika, dia eo ankavanana sy ankavia, eo aloha sy ao aoriana; nefa dia matory isika vahoakan'Andriamanitra. Fanirian' Andriamanitra ny hisian'ny antso avo
manetsika ny vahoakany ho amin'ny asa.
Tsy mandray ny tara-pahazavana avy any an-danitra ny olona sasany fa ny mifanohitra amin'izany. Samy namoaka ny heviny momba ny tsindrimandry avy amin'Andriamanitra na ny pejy voasoratra na ny mpitoriteny eny amin'ny polipitra, kanefa tsy ankasitrahan'ny Fanahy Masina na ny Tenin'Andriamanitra. Tsy isalasalana fa tsy misy olombelona na vondron' olombelona tokony hanao tsangan-kevitra momba ny lohahevitra lehibe toy izany, raha tsy misy ny "Izao no lazain'i Jehôvah" mazava manohana azy.
Ary rehefa olona be fahalemena, mora andairan' ny fitaoman'ny manodidina amin'ny lafiny sasany, sy mananafironana na toetranokolokoloina izay lavitry ny fahendrena na ny fisainana ara-panahy, no mamakafaka ny Tenin'Andriamanitra sy manandrana mitsara momba izay atao hoe avy amin'Andriamanitra sy avy amin'olombelona, dia miasa tsy misy tolo-tsaina avy amin'Andriamanitra izy ireo. Tsy hambinin'ny Tompo izany asa izany. Ho loza ny vokany, na ho an'izay manao ilay asa na ho an'izay manaiky izany ho asa avy amin'Andriamanitra. - TFC, b. 5, tt. 708,709.