«Mahalala hietry aho, ary mahalala hitombo; na aiza na aiza, ary na amin'inona na amin'inona, dia efa nampianarina ny ho voky sy ho noana aho ary hanam-be sy halahelo. Mahay nv zavatra rehetra aho ao amin'ilay mampahery ahy.» - Fil. 4:12,13.
Mofon’aina:
Nandritra ny fotoana rehetra no nitadiavan'i Satana hanakan-tsakana ny ezaka ataon'ny mpanompon'Andriamanitra, ka nam-pidirany toe-tsaina kirina amin'ny heviny. Toy izany (...) hatratnin'ny andron'ny Reformasiona notontosain'i Wycleff sy i Lotera, ary ny maro hafa koa, izay fitahiana ho an'izao tontolo izao noho ny herim-pinoany. Nifanehatra mandrakariva tamin'ny hafetsen'ny fahavalo izay nitarika ny olona ho amin'ny zotom-po tafahoatra sy tsy voalanjalanja satria nentanin'ny saina tsy manana fahamasinana izy ireo.
Misy olona sasany, diso fihevitra ka nampianatra fa, mba hahatrarana ny tena fahamasinana, dia tsy tokony hiraharaha mihitsy ny momba ny eto an-tany ny saina, hany ka nahatonga ny olona nandray izany fampianarana izany tsy hiasa intsony.
Misy koa aza olona izay sodokan'ny teny sasany ao amin'ny Soratra Masina, ka nampianatra fa tena fahotana mihitsy ny miasa, ka ny Kristianina, hono, dia tsy tokony hihevitra ny hikatsaka fiadanana eto an-tany, na ho an'ny tenany, na ho an'ny ankohonany, fa nanokana ny fiainany manontolo kosa ho amin'ny zavatra ara-panahy. Nanohitra izany ny fampianarana sy ny ohatra nasehon'ny apostoly Paoly. (...)
Raha namangy voalohany an'i Korinto ny apostoly Paoly dia tafalatsaka teo anivon'ny vahiny izay nanana firehan-tsaina hafahafa. Mpandraharaha kinga tokoa ireo Grika nipetraka teo amoron-dranomasina. Efa ela no nanazarany tena hanao raharaham-barotra mahomby, ka nanj ary nino izy fa araka an'Andriamanitra ny fahazoana tombony; ary mba hahazoana vola, lion a, dia samy azo atao avokoa, na ny mitady izany amim-pahamarinana, na ny mampiasa fisolokiana. Nampahafantarina an' i Paoly izany toe-tsainy izany, ka dia nataony izay tsy hiheveran'ireo azy ho nanao ny fitoriana ny filazantsara hahazoana harena ho an'ny tenany. Rariny ny nampirisihany ny Korintiana hanohana azy; kanefa vonona ny tsy hanao izany fitakiana izany izy, mba tsy homen-tsiny ny asa nikelezany aina sy ny fahombiazana azony teo amin'ny fitoriana ny filazantsara, ka tsy hiheveran'ny sasany fa ny hahazoana tombontsoa ho an' ny tenany no nitoriany ny filazantsara. (...) — VM, tt. 304-306.