"Ary toy izany koa, hianareo lehilahy, miaraha mitoetra aminy araka ny marina, manajà ny vavy, tahaka ny mety hatao amin'ny fanaka malemilemv kokoa sady mpiara-mandova ny fahasoavan'ny fiainana mba tsy ho voasakana ny fivavahanareo. Pet. 3:7.
Mofon’aina:
Tokony haneho fahalianana lehibe ho an'ny ankohonany ny lehilahy. Tokony ho feno halemem-panahy indrindra izy eo anatrehan'ny fihetseham-pon'ny vadiny izay marefo. Afaka hisakana aretina maro izy. Handaitra lavitra ny teny mamy ary hitondra hafaliana sy fampaherezana noho ny fanafody mahasitrana indrindra. Ireo no hitondra hery ho an'ny fo ketraka sy kivy (…).
Tokony hotsaroan'ny ray fa miankina amin'ny reny ny ampahany mavesatra indrindra amin'ny fanofanana ny zanany (...). lzany no tokony hampirisika azy haneho halemem-panahy lalina indrindra, ary amin'ny firaisam-po feno no tokony hanamaivanany ny enta-mavesatra entin'ny vadiny. Tokony hampirisika ny vadiny izy hiankina amin'ny fitiavany lehibe ka hitarika ny sainy ho any an-danitra izay misy ny hery sy ny fiadanana ary ny fitsaharana farany ho an'ny reraka. Tsy tokony ho handrina mikentrona no hidirany ao an-trano, fa ny fahatongavany kosa dia tokony hitondra tara-masoandro ho an'ny ankohonany sy hampirisika ny vadiny hitraka ary hino an'Andriamanitra. Amin'ny firaisan-tsain'izy ireo no hahazoany mitaky ny teny fikasan'Andriamanitra sy hitondrany ny Fitahiany safononoka ho ao an-tokantrano. — TFC, b. 1, tt. 306,307.
Betsaka ny vady sady ray no afaka hianatra lesona mahasoa avy amin'ny fikarakaran' ny mpiandry ondry mahatoky. Rehefa nilazana i Jakôba hanao dia maika sy sarotra dia namaly hoe: "Mbola osa ny zaza, sady ampianahany ny ondry aman 'osy sy omby ato amiko; koa raha hokorodonina indrav andro aza ireo, dia ho .fiity avokoa ondry aman 'osy rehetra Ary ilaho handeha miadana araka izay dian'ny omby aman 'ondry, izay ho eo alohako, sy ny dian'ny zaza." (Gen. 33:13).
Eo amin'ny lalana manahirana eo amin'ny fiainana, aoka ny vady sady ray handroso "amin'izay mety ho arak'izato mpiara-dia aminy." Eo anivon'ny hafanam-po sy ny firotorotoan'izao tontolo izao hitady harena sy fahefana, aoka izy hianatra hampiato ny diany mba hampaherv sy hanohana ilay nantsoina handeha eo anilany." — TMF, t. 305.