"Indro, Izaho maniraka Anjely eo alohanao hiaro anao any an-dàlana sy hitondra anao ho any amin'ny fitoerana izay namboariko. " - Eks 23 :20.
Miditra an-tsehatra ny lanitra manontolo amin’ny asa fanomanana vahoaka izay hahajoro amin’ny andron’i Jehévah. Toa ety tokoa ny fifandraisan’ny lanitra sy ny tany. (...)
Mila tsy ho andrin’ireo anjelin’ny lanitra ny hampahafantatra an’i Jesésy amin’ny olombelona mba hahafahan’ireto farany miara-miasa amin’ny anjely amin’ny fitoriana an’i Jesésy, Ilay Mpanavotra izao tontolo izao, feno fahasoavana sy fahamarinana. (...)
Mahatonga fifaliana eo anivon’ireo anjely any an-danitra ny ranomasom-pibebahana voalohany. Vonona hiasa avy hatrany ho an’izay fanahy mitady an’i Jesésy ireo mpitondra hafatry ny lanitra (...)
Lehibe sady be voninahitra ny zavatra efa namboarin’ Andriamanitra ho an’izay tia Azy. Miandry sy manantena fatratra ny fandresen’ny vahoakan’Andriamanitra amin’ny farany ireo anjely, dia ny fotoana izay hiredonan’ireo serafima sy kerobima mbamin’ireo alinalina sy arivoarivo ny hiran’ireo olon- tsambatra, ka hankalazany ny fandresen’ny asa fanelanelanana nataon’i Jesésy, izay nahavotra ny olombelona.
Fifalian’ny anjely (...) ny mizara fitiavana sy ny mikarakara tsy an-kiato ireo fanahy lavo sy tsy masina. Mandresy lahatra ny fon’ny olombelona izy ireo. Mitondra fahazavana avy any ambony ho an’ity tontolo feno haizina ity izy ireo. Miasa mangina sy amim- paharetana eo amin’ny sain’ny olombelona izy ireo mba hitaomana ireo very ho amin’ny fifandraisana amin’i Kristy, dia fifandraisana ety tsy takatry ny sain’izy ireo akory aza. — MLT, t. 307.