"Ny Andriamanitry ny fanantenana anie hameno anareo amin 'ny fifaliana sy ny fiadanana rehetra amin'ny finoanareo, mba hitomboanareo amin'ny fanantenana noho ny herin 'ny Fanahy Masina." — Rôm. 15:13.
Mofon’aina:
Raha tsy nanolotra ny ainy ho sorona i Jesosy ary tsy nitsangana indray, dia tsy ho nahalala ny atao hoe fiadanana isika ary tsy ho nahatsapa fifaliana velively fa ho niaina tao anatin'ny haizina mahatahotra sy ny fahakiviana mahafadiranovana. Koa aokanyfiderana sy ny fankasitrahana no hameno ny fontsika. Nandritra ny fiainantsika dia nandray ireo tombontsoa natolotry ny lanitra isika ary nahazo ny fitahiana avy amin'ny fanavotana sarobidy nataony. (...) Rehefa ianjadian'ny fanaintainana sy ny alahelo ary ny fahoriana isika, dia aoka tsy hisy na dia fimonomononana iray aza izay hanala baraka ny Mpanavotra antsika. (...) Kely ny fahoriantsika raha oharina amingizay mendrika ny fahotantsika. (...)
Moa ve isika hibanjina Ilay nolefonina noho ny otantsika nefa tsy hanaiky ny hisotro koa amin'ny kapoaky ny fanalam-baraka? Ny fahotantsika no nameno ny kapoaka mangidy izay nesoriny tamin'ny molotsika ka nosotroiny, mba hanohofany eo am-bavantsika ny kapoaky ny fitahiana. (...)
Aoka ny tenin'ny fanahy ho feno fifaliana sy fankasitrahana. Raha misy manana tantara maizina eo amin'ny fiainany dia aoka izy handevina izany. Fisainana sy fihetsehampo miteraka fankasitrahana sy fiderana ihany no aoka hokolokoloina. (...)
Mangataka aminao aho mba tsy hamoaka feo fitarainana fa hanolokolo fihetsehampo mahay mankasitraka sy misaotra. Amin'izany no hianaranao hihira ao am-po. Aoka hifamatotra amin'ny fanandramanao ny kofehy volamenan'ny fankasitrahana. Banjino ilay tany tsara lavitra, izay tsy misy ranomaso, tsy misy fakam-panahy na fitsapana, tsy misy fahaverezana na faniniana, fa feno fiadanana sy fifaliana ary fahasambarana. Azonao alaina sary an-tsaina ety izany rehetra izany ka hahatonga anao hisaintsaina bebe kokoa momba ny lanitra sy hanome anao ny hery avy any ambony, ary hampitony ny hetahetan'ny fanahinao amin'ny onin'ilay rano velona, dia hametraka ny tombokase misy ny Sariny ao am-ponao Andriamanitra. (...)- Ms 9, 1883.