"Izay, na dia nanana ny endrik’Andriamanitra aza, dia tsy nataony ho zavatra ho fikiriny mafy ny fitoviana amin’ Andriamanitra, fa nofoanany ny tenany tamin'ny nakany ny endriky ny mpanompo sy ny nahatongavany ho manam-pitoviana amin'ny olona; ary rehefa hita fa nanan-tarehy ho olona Izy, dia nanetry tena ka nanaiky hatramin'ny fahafatesana, dia ilay fahafatesana tamin'ny hazo fijaliana. - Fil. 2:6-8.
Mofon’aina:
Tsy nahitana pentin'ota teo amin'i Kristy, nefa notafiany ny maha olombelona ka niaretany ny famelezana nivaivay indrindra sy ny fakam-panahy lehibe indrindra nataon'ilay fahavalo ary ny alahelo lalina indrindra nampitondrainy. (...) Tonga tahaka ireo rahalahiny lzy mba hanehoany fa amin'ny alalan'ny fahasoavana, dia afaka mandresy ny fakam-panahy (...) ny olombelona (...) Hoy lzy: "(...) inty Aho tonga - ao amin'ny horonam-boky no nanoratana ahy. - Ny hanao ny sitraponao, Andriamanitra ô, no sitrako; ary ny lalànao no ato anatiko" - Sal. 40:7-8. lza no nanao fanambarana tahaka izany ny amin'ny antony nahatongavany teto an-tany? Hoy i Isaia: "Fa zaza no teraka ho antsika, Zazalahv no amena antsika; arv ny fanapahana dia eo an-tsorony, ary ny anarany atao hoe Mahagaga. Mpanolo-tsaina, Andriamanitra Mahery, Rain’ny mandrakizay, Andrian'ny fiadanana." — Isa. 9:5.
"Tamin’ny voalohany ny Teny, ary ny Teny tao amin 'Andriamanitra. ary ny Teny dia Andriamanitra. Izy dia tao amin’Andriamanitra tamin'ny voalohany. Izy no nahariana ny zavatra rehetra: ary raha tsy Izy dia tsy nisy nahariana izao zavatra ary izao, na dia iray aza." "Ary ny Teny dia tonga nofo ka nonina tamintsika." - Jao. 1:1-3, 14. (... )
"Ary iaraha-manaiky mihitsy fa lehibe ny zava-miafina ny amin 'ny toe-panahy araka an’ Andriamanitra, dia Ilay naseho teo amin'ny nofo, nohamarinina tao amin'ny Fanahy,- hitan’ny anjely, notorina tany amin 'ny jentilisa, ninoana teny amin'izao tontolo izao, nakarina tamin'ny voninahitra." — 1 Tim. 3:16. "Koa izany no nanandratan'Andriamanitra Azy indrindra sy nanomezany Azy ny anarana izay ambony noho ny anarana rehetra, sy haneken'ny lela rehetra fa Jesôsy Kristy no Tompo ho voninahitr’Andriamanitra Ray. " — Fil. 2:9-11. "(...) Izy no endrik 'Andriamanitra tsy hita, ny Lahimatoa talohan 'izao zavatra ary rehetra izao. —Kôl. 1:15.
Ny fahatongavan'i Kristy ho nofo no zava-miafina lehibe indrindra. - L 276, 1904.