"Izay milaza fa mitoetra ao aminy izy, dia tsy maintsy mandeha toy izay nandehanany koa." - 1 Jao. 2:6.
Mofon’aina:
Mitondra ny anarana hoe Kristianina isika, koa aoka ho mendrika izany anarana izany. (...) Midika ho fanarahana an'i Kristy amin'ny fandavan-tena izany, fanandratana ny fanevan'ny fitiavany, fanomezam-boninahitra Azy amin'ny teny sy ny asa tsy misy fitiavan-tena. (...) Tsy nisy fitiavan-tena ny fiainana niainan'i Kristy teto an-tany. Nitafy ny toetsika lzy, niaina fiainana nahafoy tena manontolo ho an'ny tombontsoan'ny hafa. (...) Tokony hadio sy marina amin'ny teny sy ny asa ny mpanara-dia an'i Kristy. (...)
Hoy ilay apostoly lehibe tamin'ireo Jentilisa: "tsy izaho intsony no velona, fa Kristy no velona ato anatiko; fa izay ivelomako ankehitriny eo amin 'ny nofo dia ivelomako amin'ny .finoana ny ZanakAndriamanitra, Izay efa tia ahy ka nanolotra ny tenany hamonjy ahy." - Gal. 2:20. Tamin'ny finoana no nandraisan'i Paoly ny fahasoavan'i Kristy, ary izany fahasoavana izany no nanome izay nilain'ny fanahiny. Amin'ny finoana no andraisantsika ny fanomezana atolotry ny lanitra sy hizarantsika izany amin'ireo fanahy maniry fatratra ny fahazavana. Izany no fanandramana tena ilaintsika. (...) Angataho amim-bavaka izany finoana izany. Miasa mafy mba hahazo izany. Minoa fa homen'Andriamanitra anao izany. (...)
Mianara amin'Ilay nilaza hoe: "fa malemyfanahy sady tsy miavona am-po Aho." - Mat. 11:29. Hahita fitsaharana ianao raha mianatra Aminy. Hahazo fanandramana m ikas i ka ny zava-panahy ianao isan'andro, ary isan'andro no hahatsapanao ny fahalehibeazan'ny famonjeny sy ny voninahitry ny firaisana Aminy. Hianaranao tsy tapaka amin'ny fomba mitombo hatrany ny hiaina araka ny fomban'i Kristy, ary hitombo hatrany amin'ny fanahafana ny Mpamonjy ianao.
(...) Raha mifandray amin'ny fatoran'ny firahalahiana kristianina isika, dia hiasa amin'ny alalantsika amin-kery lehibe Andriamanitra. Dia hohamasinina amin'ny alalan'ny fahamarinana isika. Hofidin' Andriamanitra tokoa isika ary hotapahin'ny Fanahiny. Ho sarobidy amintsika ny andro tsirairay (...) satria hahita tombontsoa fanararaotra hampiasana ireo fanomezana nankinina tamintsika ho fitahiana ho an'ny hafa isika. - RH, 30 Mey 1907.