Izaho ao aminy, ary Hianao ato amiko, mba ho tanteraka ho iray izy, mba ho fantatr'izao tontolo izao fa Hianao efa naniraka Ahy sady efa tia azy tahaka ny nitiavanao Ahy.» - Jao. 17:23.
Mofon’anina:
Toa tsara loatra ny mino fa afaka mitia sy tena tia ny olombelona Andriamanitra Ray, tahaka ny itiavany ny Zanany. Kanefa mahazo matoky isika fa tena izany tokoa, ary tokony hameno fifaliana ny fo tsirairay izany, hanetsika ny fanajana lalina indrindra ary hahavelom-pankasitrahana tanteraka. Tsy hoe zavatra tsy azo antoka na nofinofy ny fitiavan'Andriamanitra, fa zava-misy iainana. — Ms, 31, 1911.
Manolo-tena hitia izay mino ny Zanany Lahitokana ho Mpamonjy azy flay Mpamorona izao rehetra izao, tahaka ny itiavany ny Zanany. Na eto an-tarry, amin'izao fotoana izao indrindra aza dia atolony ho antsika izany fahasoavany lehibe izany. (...) Nampanantena zavatra be dia be ho antsika lzy ho an'ny fiainana ho avy, kanefa nanolotra fanomezana mendrika ny andriana koa ho an'izao fiainana izao. Ary noho ny fahasoavany amintsika dia tiany ny hifaliantsika amin'ny zavatra rehetra izay hanandratra sy hampivelatra ary hahamendrika ny toetrantsika. Fikasany ny hanomana antsika ho any amin'ilay lapan'ny lanitra. — FCE, t. 234.
Ireo izay mifandray ety amin'i Kristy dia hanankinany andraikitra ambony. Ny mpanompo izay manao ny tsara indrindra azony atao ho an'ny Tompony dia ekena ho mpiara-miasa akaiky amin'Ilay tiany ny mankato ny baikony. (...) Izay miresaka tsara sy mifankazatra amin'Andriamanitra mpitarika azy dia mahita ny fahalehibiazany sy ny fahamboniany (ny an'Andriamanitra), ary izany olona izany no tena mpankato ny didiny. — SDABC, b. 4, t. 1168.
Maro ny raharaha eo amin'ny fiainan'ny olona, na ara-panahy na ara-nofo; ao ny varotra, ao ny fitoriana ny Teny, misy koa ny asa isan-karazany; saingy rehefa manolo-tena ho an'i Kristy ny olona ka tia an'Andriamanitra amin'ny fony, ny sainy, ny fanahiny, ary ny heriny rehetra, dia ny momba azy manontolo no entiny anompoana. (...) Ekeny fa an'Andriamanitra ny heriny sy ny tenany. Mahatonga azy ho malemy fanahy, maha-te ho tia, ary mahalala fomba izany. Ny asany rehetra dia asa marina. — Ms, 21, 1911.