"Izay efa hitanay sy renay no ambaranay aminareo, mba hahazoanareo firaisana aminay koa; ary nyfiraisanay dia amin 'ny Ray sy amin'i Jesosy Kristy Zanany." - 1 Jao. 1:3.
Mofon’aina:
Tombontsoantsika ny manan-drana ny hamamin'ny fifan- draisana am in' Ilay Mpamonjy voahombo sy nitsangana tamin'ny maty. Kanefa mba hahatanteraka izany dia tsy maintsy ampileferintsika amin'Andriamanitra ny "izaho". Ny fanaranam-po dia midika fa tsy mandà tena na mitondra ny hazo fijaliana isika eo am-panarahana an'i Kristy. Mihamanjavozavo ny fahitana ara-panahy rehefa mitady hanjaka ny "izaho". Miala amin'i Kristy ny masontsika ka mijery ny tenantsika mahantra. Tsy azontsika atao ny misaraka amin'i Kristy. Tsy maintsy mijery an'i Jesosy, Tompon'ny finoantsika sy Mpanefa azy isika. (...)
Mamirapiratra ao amin'ny fanahin-tsika ny fahazavana sarobidy sy masina rehefa miray amin'i Kristy isika, mandra-pahazava ny efitrefitra rehetra ao anatintsika ka manjary fahazavana eo amin'izao tontolo izao isika, izay mitaratra ny voninahitr'i Kristy amin'ny hafa. - L, t. 46, 1903.
Ny firaisana amin'Andriamanitra no ain'ny fanahy. Tsy haintsika hazavaina izany, na azontsika lazaina amin'ny teny kanto tsara lahatra, fa tsy misy teny mahalaza marina ny amin' izany fanandramana izany. Ny firaisantsika isan'andro amin'Andriamanitra tokoa no mahatanteraka ny fifaliantsika.
Izay manana io firaisana amin'i Kristy io dia haneho izany amin'ny fisainany sy ny teniny ary ny asany. Tsinontsinona ny fiaikem-pinoana raha tsy hita eo amin'ny teny sy ny asa ary ny voa tsara. Ny firaisan-tsaina, ny firaisam-po amintsika samy isika sy amin'i Kristy - izany no voa ateraky ny sampana tsirairain'Ilay voaloboka velona. (...)
Ny hoe mahalala an'Andriamanitra dia midika ara-Baiboly hoe iray fo sy saina amin'i Kristy, mahafantatra Azy amin'ny alalan'ny fanandraman' ny tena manokana, ary mihazona fifandraisana ety Aminy, feno fanajana amin'ny maha Mpanavotra Azy. Tsy mety hisy io firaisana io raha tsy amin'ny alalan'ny fankatoavana marina amin'ny fo. (...)
Raha manaraka ny oha-piainan'i Kristy isika, dia ny fanompoany tsy misy fitiavan-tena, ka mitoky amin'ny fahamendrehany tahaka ny zaza, ary mitandrina ny didiny, dia ho azontsika ny fankasitrahan'Andriamanitra. Hito-etra ao am-pontsika i Kristy, ary ho feno ny hanitry ny fahamarinany ny asa sy ny fiainantsika. - RH, 30 Jona 1910.