"Fa izay miandry an 'i Jehovah dia mandroso hery kosa; elatra no hiakarany tahaka ny voromahery; hihazakazaka izy, nefa tsy ho sasatra; handeha izy, nefa tsy ho reraka." Isa. 40:31.
Mofon’aina:
Ilaina ny fitolomana amim-bavaka mba hahazoana fahombiazana. Mitondra hery ny vavaka. Efa "nandresy fanjakana (...), niasa fahamarinana, nahazo teny fikasana, nanakombona ny vavan'ny liona, namono ny fidedadedan'ny afo, (...), dia nampandositra ny miaramilan 'nyfirenena hafa" ny vavaka. — Heb. 11:33,34.
Niankinatamin'Andriamanitra i Jesosy ary niray taminy. Ao amin'ny fierena izay an'ny Avo indrindra, eo ambanin'ny aloky ny Tsitoha no ankanesan'ny olona, ankehitriny sy taloha; mitoetra ao izy (...) ka asa mendrika no vokatr' izany; mihaosa ihany anefa ny finoana, tapaka ny firaisana ary voapentina ny asa atao. Ny fiainan'i Kristy kosa dia fitokiana tsy miovaova, izay tohanan'ny firaisana mitohy; ary tsy misy hokianina.
Tsy afaka hahita ny fahombiazana ambony indrindra ny Kristianina raha tsy mahafantatra ny tsiambaratelon'ny hery. Tsy maintsy manokana fotoana hisainana, hivavahana, ary hiandrasana an' Andriamanitra izy ireo mba hanavaozana ny heriny ara-batana sy ara-t.saina ary ara-panahy. Mila ny famelombelomana avy amin'ny Fanahiny izy ireo. Rehefa azony izany dia hatanjaka ny aim-panahiny. Hahazo hery ny vatana sy ny atidoha reraka, ary hahita fitsaharana ny fo trotraka. — L, 1, 1904.
Ny vavaka no ain'ny fanahy. Io no tsiambaratelon'ny herin'ny finoana. Tsy misy fomba hafa ahazoana famonjena na fiarovana ho an'ny fanahy. Mampiray mivantana ny fanahy amin'Ilay Loharanon'ny fiainana ny vavaka, ary manatanjaka ny fanandramany ara-pivavahana. — GW, tt. 254,255.
Manana ny lanjany ny vavaka iarahana amin'ny ankohonana sy ny fiangonana, kanefa ny fiainam-bavaka manokana sy ny firaisam-po mangina amin'Andriamanitra no mamelona ny aim-panahy. Tao an-tendrombohitra, niaraka tamin'Andriamanitra, no nibanjinan'i Mosesy ny modelin'ilay rafitra mahatalanjona izay natao hitoeran'ny voninahitr'Andriamanitra. Eo an-tendrombohitra miaraka amin' Andriamanitra koa, dia amin'ny toerana mitokana izay ifandraisana manokana amin'Andriamanitra, no natao hiban-jinantsika ilay filamatra ambony indrindra kasainy ho an'ny olombelona. Koa ho azontsika atao ny mamolavola ny toetrantsika mba ho tanteraka ilay teny fikasana hoe: "Honina eo aminy sy handeha eo aminy Aho, ho Andriamaniny Aho ary izy ho oloko." — 2 Kôr. 6:16. — GW, t. 254.