«Enga anie ka mba hanana fo toy izany izy hatahorany Ahy sy hitandremany ny didiko rehetra mandrakariva, mba hahita soa izy sy ny taranany mandrakizay.» - Deo. 5:26.
Mofon’aina:
Mijoro ho toy ny Ray eo anivon'ny vahoakany Andriamanitra, ary amin'ny maha ray Azy no itakiany fanompoana mahatoky avy amintsika. Diniho ny fiainan'i Kristy. Mijoro ho lohan'ny taranak'olombelona Izy, manompo ny Rainy, ary Izy no ohatra mampiseho izay tokony ho toetry ny zanaka rehetra. Ny fankatoavana izay nasehon'i Kristy no takin' Andriamanitra amin'ny olombelona rehetra ankehitriny. (...) «Ny hanao ny sitraponao, Andriamanitra ô» hoy Izy «no sitrako, ai); ny lalànao no ato anatiko» - Sal. 48:8. Tsy nisy fahafoizan-tena noheverin'i Kristy ho lehibe loatra, sy asa noheveriny ho mafy loatra, mba hanatanterahany ny asa izay niaviany. Hoy Izy, fony Izy roa ambin'ny folo taona: «Tsy fantatrareo va fa tsy maintsy ho eto amin'ny raharahan 'ny Raiko Aho?» - Lio. 2:49. Efa nandre ny antso Izy, ary efa nandray ny asa: «Ny haniko» hoy Izy «dia ny manao ny sitraponIzay naniraka Ahy sy ny mahavita ny asany» - Jao. 4:34.
Toy izany no tokony hanompoantsika an'Andriamanitra. Izay feno fanoloran-tena indrindra amin'ny fankatoavana Azy no tena manompo an'Andriamanitra. Izay rehetra te ho zanakalahy sy zanakavavin' Andriamanitra dia tsy maintsy manaporofo fa mpiara-miasa amin'Andriamanitra sy i Kristy ary ny anjelin'ny lanitra. Io no fisedrana ny fanahy tsirairay. ( ...)
Ny tanjona lehibe kendren' Andriamanitra dia ny hisedrany ny olona amin'ny fanomezany azy fotoana hamolavolana ny toetra amam-panahiny. (...) Tsy ividianana ny fitiavan'Andriamanitra ny asa tsara fa mampiseho kosa fa manana izany fitiavana izany isika. Raha milefitra amin'ny sitrapon'Andriamanitra isika, dia tsy hiasa mba hahazoana ny fitiavan'Andriamanitra. (...)
Sokajin'olona roa ihany no misy eto amin'izao tontolo izao ankehitriny; sokajin'olona roa koa no ho hita eo amin'ny fitsarana: ireo izay mandika ny didin'Andriamanitra ary ireo izay mankatà izany. Zahan'i Kristy toetra isika raha mahatoky na tsia. «Raha lia Ahy hianareo», hoy Izy, «dia hitandrina ny didiko (..) Izay manana ny didiko ka mitandrina izany, dia izy no lia Ahy (...)» - RH, 23 Jona 1910.