«Dia isika no nanambaran'Andriamanitra izany tamin'ny Fanahy; fa ny Fanahy mamantatra ny zavatra rehetra, na dia ny saina lalina izay an 'Andriamanitra aza.» - 1 Kor. 2:10.
Mofon’aina:
Arakaraka ny ampiharantsika eo amin ny fiainantsika ireo fahamarinana tsotra no ahazoantsika antoka ny fahatakarantsika ny heviny lalina. Amin' izany, raha eo ambany fitarihan'ny Fanahin'Andriamanitra ny fo, dia hanao hoe: "Mahazava ny famoahana ny hevitry ny teninao ka manome fahalalana ho an 'ny kely saina." — Sal. 119:130. Midika izany fa ny Fanahy Masina no manazava ny Teny, fa tsy noho ny famakiana tsara nataon 'ilay mpandinika.
Tsy ireo litera ao amin'ny voanteny no manome fahazavana na fahatakarana, fa ny fanoratan'ny Fanahy Masina izany teny izany amin'ny fomba manokana ao am-po. Ho an'ny saina sy ny fo manolo-tena ho an'Andriamanitra, dia ampitomboina ny fahalalany arakaraka ny izarany ny fahazavana amin'ny hafa. (...)
Arakaraka ny hanomezantsika toerana lehibe ny Tenin'Andriamanitra no hitomboantsika ara-tsaina sy ara-panahy. Hazava kokoa sy tsy misy fiandaniana ny fitsarana ataontsika, ary ho feno kokoa ny fanehoan-kevitsika. Ho marina kokoa ny fanombanantsika ny zava-panahy. Noho ny herin'ny Fanahy Masina dia voaofana handray tsara ny fahamarinana ny sauna ka manjary tombontsoa manatanjaka ny fanahitsika izany, hanatanterahantsika asa feno fandavan-tena.
Ô, misaotra ny Tompo amin'nv foko sy ny fanahiko ary ny feoko manontolo aho, fa rehefa ampidirina ao am-po ny teny, dia hath'ny Tampo ny mampitombo ny fahaizantsikti mahatakatra amininyfornba mazava sy tsotra, tsy amin 'ny lafiny ara-panahy ihany, fa amin'ny lafiny ara-nofo izay tsy azontsika ihodivirana koa.
Ny fahasoavana avy amin' Andriamanitra dia manamasina ny fahaizana misaina. Hotsaroana mandrakariva ny hoe: Ity asa kasaiko hanao ity ve hanome voninahitra an'Andriamanitra? Ho feno fanetren-tena lalina isika, ary hihena ny fianteherana amin'ny fahendren' olombelona, fa hitombo kosa ny fitokiana amin'Andriamanitra, izay mahatonga antsika hanao vavaka hoe: Ampianaro ny lalanao sy ny sitraponao aho. Ary ny Tompo hametraka hevitra azo antoka ao an-tsaina mba harahina. Hovelomina ao an-tsaina indray ireo fanandramana taloha, ary ny lalana azo antoka no tafatoetra ao an-tsaina.
Miara-miasa amin'ny herin'ny olombelona ny herin'Andriamanitra. —L, 144, 1898.