« Indro, fahamarinana ao am-po no sitrakao; ary fahendrena ao amin 'ny miafina no ampahafantarinao ahy.» - Sal. 51:6.
Mofon’aina:
Aoka ny fahamarinana ho fahamarinana ho an' izay _mandray azy, amin'ny lafiny rehetra. Tsy maintsy soratana ao am-po izany. "Fa amin 'ny fo no inoana hahazoana fahamarinana, at), amin'ny vava no anekena hahazoana farnonjena" — Rom. 10:10. "Tiava an 'i Jehovah Andriamanitrao amin'ny fonao rehetra sy ny fanahinao rehetra sy ny sainao rehetra ary ny herinao rehetra" — Mar. 12:30. Izany no fanompoana eken'Andriamanitra. (...) Avy ao amin'ny fo ny loharanon'aina, ary raha tsy miandany tanteraka amin'ny Tompo izy, dia ho resin'ny fahavalo mandrakariva amin'ny alalan 'ny fakam-panahiny feno fitaka. (...)
Manana amby ampy ny famindrampo sy ny fahasoavana ary ny fiadanana efa voaomana ho antsika. Nahoana ary no raisin'ny olombelona ho toy ny ziogam-panandevozana ny fahamarinana? Satria ny fo tsy mbola nanandrana ka nizaha fa tsara Jehovah. — RH, 29 Marsa 1906.
Feno fampianaran-diso izao tontolo izao; ary raha toa ka tsy mandalina amim-pahazotoana ny Soratra Masina ho an'ny tenantsika isika, dia hanaiky ny he vi-diso ho marina, hanaraka ny fomba amam-panaony, ary hamitaka ny fontsika. Mifanohitra amin'ny fahamarinan'Andriamanitra anefa ny foto-pampianarana sy ny fomba amam-panaon' izy ireo. (...)
Zava-dehibe sy tombontsoa indrindra ho antsika ny fahatakarana ny atao hoe fahamarinana, ary ny fivavahantsika dia tokony hasandratra amin-kafanam-po lehibe mba hotarihina ho amin'ny fahamarinana rehetra isika.
Masina, avy amin'Andriamanitra, ny fahamarinana. Tsy misy mafy onna sy mahery toa azy eo amin'ny famolavolana toetra tahaka ny an'i Kristy. Tanteraka ny fifaliana ao aminy. Rehefa lalaina ao am-po izany, dia manjary mamy kokoa noho ny fitiavan'ny olombelona ny fitiavan'i Kristy. (... ) Rehefa mamolavola ny toetrantsika ny fahamarinana araka izay hita ao amin'i Jesosy, dia hiseho ny mahamarina izany tokoa.
Rehefa saintsainin'ny mpino izany, dia hitombo hazavana sy harnirapiratra amin'ny hatsarany tany am-boalohany. Hitombo ny lanjany, hanaitra sy hamelombelona ny saina, ary handresy ny fitiavan-tena sy izay rehetra manohitra an'i Kristy ao amin'ny toetra. Hahamendrika ny faniriantsika izany, ka hahatonga antsika ho afaka hanatratra ny fenitry ny fahatanterahana sy ny fahamasinana. - RH, 14 Febroary 1899.