"Tsy fantatrareo va fa fandrafiana an 'Andriatnanitra ny fisakaizana amin'izao tontolo izao? Koa na iza na iza te-ho sakaizan 'izao tontolo izao, dia fahavalon 'Andriamanitra izy." - Jak. 4:4
Mofon’aina:
Tsy mpisakaiza i Kristy sy izao tontolo izao. Hoy ny apostoly: "tsy fantatrareo va fa .fandrafiana an'Andriamanitra ny fisakaizana amin 'izao tontolo izao?" (. . .) Na oviana na oviana dia tsy ho tonga fitaovana hampiova fo an'izao tontolo izao ho an'i Kristy mihitsy ny fanahafana azy. Tsy maintsy manolo-tena feno ho an'Andriamanitra ny Kristianina raha tiana ny hahombiazan'ny fiangonana eo amin'ny fampiasana hery miasa mangina ho amin'ny tsara amin'ny tsy mpino. Ny fihatahana kely foana amin' i Kristy dia manome hirika ny fahavalo hampiasa hery miasa mangina sy hampahatanjaka ary hampahomby azy. - RH, 23 Aogôsitra 1892.
Ny Kristianina, araka ny Soratra Masina, dia olona misaraka amin'izao tontolo izao (...) ary miray amin'i Kristy. Manana fiadanana izy, izay i Kristy irery no afaka manome izany, ary hitany fa ny fifalian'i Jehovah no tanjany (...). Ny Kristianina dia tsy hamela an'izao tontolo izao ho very nefa tsy nahazo fampitandremana; tsy hitoetra tsy hanao ezaka ho famonjena ny very izy. (...) Ireo izay tia marina an'i Kristy ( ...) dia mijery ny hirika rehetra hahafaha-mampiasa ireo fitaovana ananany hanaovana soa sy hanarahana ny ohatry ny asan'i Kristy. Tsy hanaiky ho resin'ny fakam-panahy amin'ny fikambanana amin'izao tontolo izao izy. (...) Ireo tsy miandany tanteraka amin'i Kristy dia fehezin'ny fitsipika sy ny fomban'izao tontolo izao amin'ny ampahany lehibe. (...)
Manam-be amin'ny haren'ny tany i Satana, ary manana famitahana marobe ka ny mpiasany mahomby indrindra dia ireo izay hotarihiny hanana ny endriky ny toe-panahy araka an' Andriamanitra nefa mand à ny heriny amin'ny alalan'ny toetrany tsy maneho an' i Kristy. Ny zanak'Andriamanitra dia tokony hijoro ho an' ny fahamarinana na inona na inona mitranga. Tsy tokony ho voafitak'ireo izay manana ny fisainana sy ny toe-tsain'izao tontolo izao izy ireo. (...)
Andriamanitra dia manana vavolombelona mahatoky izay tsy mitady (...) hanompo an'Andriamanitra sy Mamôna miaraka. Izy ireo no jiro mirehitra sy mamirapiratra eo anivon'ny haizina ara-pitondrantena eto amin'izao tontolo izao (...) - RH, 4 Desambra 1894.