"Tsy fantatrareo va fa tempolin'Andriamanitra hianareo, ary ny Fanahin'Andriamanitra mitoetra ao anatinareo?" 1 Kôr. 3:16.
Mofon’aina:
Tanjon'Andriamanitra hatramin'ny fahagola ny hoe ho tempoly itoeran'ny Mpahary azy ny zavaboary tsirairay, nanomboka tamin'ny serafima mamirapiratra sy masina ka hatramin'ny olombelona. Noho ny ota anefa dia nitsahatra tsy ho tempolin'Andriamanitra ny olombelona. (...)
Fanirian'Andriamanitra ho an'ny tempolin'i Jerosalema ny haha-vavolombelona azy mandrakariva, hanambara fa misy anjara ambony mendrika ho an'ny fanahy tsirairay. Saingy tsy takatry ny Jiosy ny hevitr' io fanorenana izay nireharehany fatratra io. (...) Ny kianjan'ny tempoly tany Jerosalema, izay feno korataban'ny varotra tsy masina, dia naneho tamin'ny fomba marina loatra ny tempolin'ny fo, izay nolotoin'ny filan'ny nofo sy ny fisainana maloto. Tamin'ny nanadiovany ny tempoly ka nandroahany ireo mpividy sy mpivarotr' izao tontolo izao, no nanambaran'i Jesosy ny iraka nampanaovina Azy, dia ny hanadio ny fo amin'ny fahalotoan'ny ota —amin'ny faniriana ny zavatry ny tany, ny fitiavan-tena, ary ireo fahazarana ratsy izay manimba ny fanahy. (...) I Kristy irery ihany no mai, 1 manadio ny tempolin'ny fanahy. (...) Hanadio sy hanamasina ny fanahy ny fanatrehany, mba ho tonga tempoly masina ho an'ny Tompo izany, ho "fonenan 'Andriamanitra amin 'ny Fanahy." - Efes. 2:22.
Amin'ny alalan'io sary kanto sy manaitra io no anehoan'ny Tenin'Andriamanitra amintsika fa manan-danja lehibe ho Azy ny tenantsika sy ny andraikitra nankinina tamintsika mba hikolokolo io tempoly io ho amin'ny tsara indrindra araka izay azo atao. Fananana novidin'i Kristy ny tenantsika, ary tsy manana fahalalahana hanao izay tiantsika aminy isika. Efa nanao izany anefa ny olombelona. (...) Noho ny fanaranam-po amin'ny flan-dratsy dia nanjary osa, marary, ary simba ireo taova sy ny herim-batana. (...)
Rehefa miova fo marina ny lehilahy sy ny vehivavy, dia hanaja sy hitandrina ireo lalàn'ny fiainana napetrak'Andriamanitra ao aminy, ka hanao izay tsy hahaosa azy ara-batana, ara-tsaina, ary ara-pitondrantena. Tsy maintsy atao ho adidin'ny tena manokana ny fankatoavana ireo lalàna ireo. Isika ihany no hizaka ny fahoriana vokatry ny fandikan-dalàna. Tsy maintsy hampamoahin'Andriamanitra isika amin'ireo fahazarana amam-panaontsika. - RH, 31 Desambra 1908.