"Fantatr 'i Jehovah ny andron'ny mahitsy; ary ny lovany ho mandrakizay."- Sal. 37:18
Mofon’aina:
Sarobidy tokoa ny talentan'ny fotoana. Ankinina amintsika isan'andro izany ary hampa-moahin'Andriamanitra ny amin'izany isika.- Ms, 15, 1898.
Tsy maintsy hofanina sy ampianarina ary beazina isan'andro isika mba hahasoa ny hafa eto amin'izao fiainana izao. Andro iray isan'andro ihany no ananantsika, saintsaino izany. Ny anio ihany no ahy. Hampiasa ny talentan'ny fiteny aho mba ho fitahiana ho an'ny hafa, ho mpanampy sy mpampionona ary ohatra hankasilrahan'ilay Tompo Mpamonjiko. Hianatra ny faharetana aho, ny fahalemem-panahy sy ny fandeferana, mba hitombo ao anatiko ;reo toetra kristianina.- L, 36, 1901.
Raha mihavana amin'Andriamanitra i anao anio dia ho vonona raha tonga mio i Kristy. I Kristy, fanantenan'ny roninahitra, mitoetra ao anaty no ilaintsika. Ny fitafianao tranainy sy rovitra - ny fanamarinan-tena - dia tsy hahazoanao miditra any amin'ny fanjakan'Andriamanitra; fa ny fitafiana voatenon'ny fanenoman'ny lanitra kosa — ny fahamarinan'i Jesosy Kristy — no hahafahanao miditra any. (...) Sarobidy lavitra noho ny tombontsoa rehetra araka izao tontolo izao izany; ary sarobidy mihoatra ny haja amam-boninahitra mety hatolotry ny olombelona mety maty ho anao. (...)
Moa ve ny tsirairay avy amintsika miomana isan'andro mba hikambana amin'ny ankohonan'ny lanitra? Mifanditra ye ianareo? Mitady ny tsiny eo amin'ireo ankohonanao ye ianao? Raha izany, dia hahita tsiny eo amin'izy ireo ianao na any an-danitra aza. Amin' izao fiainana izao no izahan-toetra anao, mba hahitana raha toa ianao ho olom-pirenena tia fihavanana ao amin'ny fanjakan'Andriamanitra any an-danitra. (...)
Anio no tsy maintsy hiambenantsika mba tsy hanao teny na asa manafintohina ny hafa. Anio isika no tokony hidera sy hanome voninahitra an'Andriamanitra. Ny fanehoantsika finoana velona anio no hoentintsika mandresy ny fahavalo. Anio isika no tsy maintsy mitady an'Andriamanitra sy manapa-kevitra fa tsy ho afa-po raha tsy eo amin'ny fanatrehany. Tokony hiambina sy hiasa ary hivavaka isika, ka hanao izany toy ny hoe anio no andro farany ahavelomantsika. Ho feno fanoloran-tena sy fahitsiana manao ahoana ny fiainantsika amin'izay! (...)- TFC, b. 5, t. 200.