Toerana anjakan'ny fiainam-pahamasinana

 "Fa hianareo kosa dia taranaka voafidy, fanjaka-mpisorona, firenena masina, olona nalain'Andriamanitra ho an'ny tenany, mba hilazanareo ny hatsaran'Ilay niantso anareo hiala tamin'ny maizina ho amin'ny fahazavany mahagaga." - 1 Pet. 2:9. 

Mofon’Aina:
Eo anivon'ny haizina ara-pitondran-tena sy ao anatin'ny tontolo mpanitsakitsaka ny laIàn'i Jehôvah ny fiangonan' i Kristy. Nefa ilay Mpanavotra azy - Izay nividy azy ireo tamin'ny rany sarobidy — dia efa nanao ny fomba rehetra mba hahatonga ny fiangonana ho "tena iray" voaova, hazavain'llay Fahazavan' izao tontolo izao, Izay manana ny voninahitr'i Imanoela. Ary ny tanamasoandron'ny Fahamarinana izay mamirapiratra amin'ny alalan'ny fiangonany, dia hamory ho ao am-balany ny ondry rehetra very sy nania, izay hahita fialofana ao Aminy. Hahita fiadanana sy fahazavana ary fifaliana izy ireo ao Aminy — Ilay fiadanana sy fahamarinana mandrakizay. 
Tokony hotehirizin’ny mambra tsirairain'ny fiangonana hamirapiratra mandrakariva ao amin’ny fanahiny ny fahazavan'ny fitiavan’Andriamanitra mba hiampitan'izany any amin’ny hafa koa. Zava-manan-danja loatra no voafaoka ao anatin' izany ka tsy azontsika atao ny ho resin'ny torimasom-panahy. Aoka isika hitandrina tsy hanjary feno fahasorenana eo am-panaovana asa fanompoana na adidy ara-pivavahana. Andeha isika hiady mafy amin'io torimasom-panahy io izay zava-doza tokoa ho an'ny fitomboan'ny Kristianina sy ho an'ny ainy mihitsy aza. Ho salama sy miroborobo ny fiangonana izay manana mambra mavitrika sy manao ezaka manokana mba hanasoa ny hafa sy hamonjy fanahy. Handrisika ny asa tsara rehetra izany. (...) Hanaitra ny hery rehetra matoritory izany, hanam-pahavononana tsy azo hozongozonina ny fanahy mba hahazoany ny teny fankasitrahana avy amin'ny Mpamonjy hoe: "Tsara izany, ry mpanompo tsara sady mahatoky," sy hisatrohany ny satroboninahitry ny mpandresy. 
Ataon'i Kristy tempoly tsara tarehy ho an'Andriamanitra ny fiangonana. "Fa na aiza na aiza iangonan'ny roa na telo amin'ny Anarako", hoy Izy, "dia ho eo afovoany Aho." - Mat. 18:20. Ny fiangonany no toerana anjakan'ny fiainam-pahamasinana, izay feno fanomezam-pahasoavana avy amin'ny Fanahy Masina. Samy omen'ny lanitra andraikitra tandrify azy ny mambra tsirairain'ny fiangonana eto an-tany, ary natao hahita fahasambarana avy amin'ny fahasambaran'ireo izay ampiany sy tahiany izy rehetra." OHC, t. 164.