"Mihira ho an 'i Jehovah, misaora ny anarany; lazao isan 'andro isan'andro ny famonjeny mahafaly. Ambarao any amin'ny jentilisa ny voninahiny ary any amin'ny firenena rehetra ny fahagagana ataony."- Sal. 96:2, 3
Mofon’aina:
Ambony sy sarobidy ny asa lehibe sy be voninahitra napetraka hataontsika: ny handray anjara amin'ny draft-pamonjena. Tsy haintsika faritana ny hasarobidin'izany. Asaina mandeha amim-pinoana isika, ary raha miezaka (...) manakatra ny fidadasiky ny drafi-pamonjena isika, dia manana tombontsoa ny hiara-mivavaka amin'ny apostoly Paoly mba hahaizantsika "mbamin 'ny olona masina rehetra ny hahafantatra tsara izay sakany sy lavany ary hahavony sy halaliny."- Efes. 3:18. Asandrato ilay Lehilahin'i Kalvary. Aoka ianao hisaintsaina momba ireo fahatsaran'ny toetrany mandra-pahatonga anao ho voaova araka ny Endriny noho ny fibanjinana Azy. Ny fiainam-pivavahana sy ny fiainam-pinoana no hitarika antsika hanao fiderana ho Azy sy hiresaka momba ny Heriny. (...)
Ny fiovam-po marina dia mampiray ny fontsika amin'ny finoana sy ny fitiavana. Hampianatra antsika hifikitra ma& amin'ny fitokiana amin'Ilay hany fanantenantsika izany. Amin'ny alalan'ny fiovam-po no hanakambanana ny fahalementsika amin'ny herin'Andriamanitra, ny tsy fahalalantsika amin'ny Fahendreny, ny maha-tsinontsinona antsika amin'ny Fahamendrehany, ny fahantrantsika amin'ny Hareny tsy hita fetra (...).
Tsy maintsy mandinika ny Tenin'Andriamanitra isika (...). Ny fanetren-tena, izay toe-tsain'i Kristy, no hanampy antsika hahafantatra Ilay niantso antsika tamin'ny voninahiny sy ny fahatsarany.
Raha ampiharintsika eo ar ';i'ny fiainantsika andavanandro ara.,a ny tokony ho izy ny fahamarinana, dia hitombo hatrany isika, ka hahazo fahatakarana mazava kokoa hatrany momba ny fanambaran'Andriamanitra. Hanandratra Azy amin'ny hira fiderana isika. Izao no ambaran'i Kristy amin'ny alalan'ilay mpanao Salamo: "eo amin'ny fiangonana no hiderako Anao."- Sal. 22:22. Ny Feony no fototra niorenan'izao rehetra izao. Ny heriny tsy voafetra, ny fahendreny tsy takatry ny saina, ary ny sorona mahatalanjona nataony ho an'ny taranak'olombelona dia manampy antsika hahatakatra ny fitiavan'Andriamanitra. Ilain'ny tsirairay avy amintsika ny hitoerany ao am-po. Ilaintsika ny hanokatra ny saintsika sy ny fontsika mba hitoeran'ny Fanahin'ny fahamarinana. Ilaintsika ny mankasitraka ny tombontsoa omena antsika amin'ny maha-mpitahiry ny fahamarinana masina sy ambony antsika. Saintsaino ny dikan'izao ho antsika: mpandova an'Andriamanitra ary mpiara-mandova amin'i Kristy!- L, 28, 1907.