"Ho aminareo rehetra anie ny fahasoavan'i Jesôsy Kristy Tompo synyfitiavan'Andriamanitra ary ny firaisana amin'ny Fanahy Masina" - 2 Kor. 13:14. lo andininy io no namaranan'i Paoly ny epistiliny faharoa. Mariho fa manonona ireo Persona telo ao amin'Andriamanitra Telo Izay Iray izy araka izao filaharana izao ny Zanaka, ny Ray, ary ny Fanahy Masina. Amin'ny alalan'ny asan'lzy telo miaraka no ahafahantsika mahatakatra tsara kokoa ny toetran Andriamanitra sy ny zavatra nataony ho antsika.
Vakio ny Jao. 3:16,17; Rom. 8:37-39; ary ny 1 Jao. 4:8-11. Inona no ambaran'ireo andininy ireo amintsika momba ny fitiavan'Andriamanitra?
«Andriamanitra dia fitiavana», hoy ny 1 Jao. 4:8. Toetran'Andriamanitra fototra ny fitiavana. Antitranterin'i Jaona fa azontsika atao ny mahafantatra ny atao hoe fitiavana ao amin'ny nanomezan'Andriamanitra ny Zanany Lahitokana ho faty ho antsika (Jao. 3:16). Tao anatin'ny drafi-panavotan'Andriamanitra ny nanome iraka hotanterahin'i Jesosy, dia ny famonjena antsika (Jao. 3:17, Asa. 3:20,21; 1 Jao. 4:10,14). Imbetsaka i Jesôsy no miresaka momba ny Ray ho ny Ilay naniraka Azy ao amin'ireo Filazantsara (Mat. 10:40, Mar. 9:37).
Ao amin'ny fanambarana miavaka iray, dia hoy i Paoly: «Fa Andriamanitra mampiseho ny fitiavany antsika, fa fony mbola mpanota isika, dia maty hamonjy antsika i Kristy» - Rôm. 5:8. Mety hahita taratra ny fitiavan'Andriamanitra isika ao anatin'ny fifandraisana mamy eo amin'ny mpivady, na eo amin'ny ray aman-dreny sy ny zanany, na ao anatin'ny fisakaizana marina, sy ny sisa. Afaka mahita ny fitiavan'Andriamanitra eo amin'ny zavaboary koa isika. Hoy i Ellen G. White momba izany: "Andriamanitra fitiavana "no voasoratra eny amin'ny tsiry vao mivelatra sy eny amin'ny ahitra vao mitsimoka. Ny vorona mahate ho tia izay mampiravoravo ny habakabe a amin'ny hirany mahafinaritra, ny voninkazo misoratsoratra izay mandefa ny fofony manitra mamerovero eny amin'ny rivotra, ny hazo mijoalajoala ao an'ala izay miravaka ny raviny maitso mavana - ireny rehetra ireny dia mitory ny fitiavana fatratra sy ny fitandremana ambony indrindra ataon'Andriamanitra ary ny faniriany hahasambatra ny zanany. - DHK, t. 8.
Kanefa, tsy misy maharesy lahatra mihoatra noho ny nanomezan'Andriamanitra an'i Jesosy ho fanatitra noho ny fahotantsika. Rehefa takatsika hatraiza ny fitiavan'Andriamanitra ka nanirahany an'i Jesôsy hanolotra ny ainy ho antsika, ny tokony havalntsika izany dia fahavononana «hanolotra ny aintsika hamonjy ny rahalahy» - 1 Jao. 3:16.
Tian'i Paoly hiaina ao anatin'ny firaisan-tsaina ireo Korintianina. Kanefa, raha tsy misy fitiavana, dia tsy misy firaisan-kina. Izany no nampianarany azy ireo fa «ny fitiavana no mampandroso» - 1 Kor. 8:1, ary raha tsy misy fitiavana, dia tsinontsinona sy foana ny zavatra rehetra (1 Kor. 13:1-3). Koa izay rehetra ataontsika dia tsy maintsy atao amin'ny fitiavana (1 Kor. 16:14), fitiavana izay vokatry ny fitiavan'Andriamanitra.
Inona no very ao amin'ny filazantsara raha toa ka tsy Andriamanitra amin'ny fahafenoany sy mandrakizay i Jesôsy ?