"Fa aoka samy hanatitra izay zakany araka ny fitahian'i Jehovah Andriamanitrao, izay omeny anao." - Deo. 16:17.
Mofon’aina:
Ohatra tsara mampiseho ilay toe-kftsain'ny fitiavana sy fahafoizan-tena ambolen'ny fahasoavan'i Kristy ao am-po ny fanandramana niainan'ireo Kristianina tany Makedonia. Hoy ny apostoly Paoly momba azy ireo: «fa tamimny fahoriana be nizahan-toetra azy no nitomboan>ny hafalianay, ary ny hamafirpny fahantrany no nampitombo ny haremny hitsim-pony. (...) Nangataka mafy taminay koa izy mba havelanay hikambana amin>izany fanompoana ho an>ny olona masina izany; ary tsy araka ny nantenainay, fa ny tenany no natolony ho an'ny Tompo aloha, dia vao ho anay koa noho ny sitrapon 'Andriamanitra. » - 2 Kan 8:2-5. Ary na aiza na aiza itoeran'ny Fanahin'i Kristy, dia hiseho koa izany vokatra izany. - RH, 9 May 1893.
Araka ny rafitra momba ny fahafolon-karena sy ny fanatitra ao amin'ny Baiboly, dia mazava loatra fa tsy hitovy velively ny vola arotsaky ny tsirairay satria mifanentana amin'ny fidiram-bola izany. Ho an'ny mahantra, ny ampahafolony dia ho vola kely raha oharina amin'ny an'ny hafa, ary araka izay ananany no anomezany. Nefa tsy ny halehiben'ny fanomezana no mahatonga ny fanatitra hankasitrahan'Andriamanitra; fa ny toe-pc) nanaovana izany, ny fankasitrahana sy ny fitiavana asehon'izany. Aoka ny mahantra tsy hihevitra fa kely loatra ny fanomezany ka tsy mendrika ny hoheverina. Aoka izy ireo hanome araka izay fahafahany, hahatsapa fa mpanompon'Andriamanitra izy, ary hankasitraka ny fanatiny Izy.
Izay nanankinan'Andriamanitra vola betsaka, raha tia sy matahotra an'Andriamanitra izy, ary mazava ny feon'ny fieritreretany, dia tsy hihevitra ny fankatoavana ny fitakian'Andriamanitra ho enta-mavesatra. Halaim-panahy ho tia tena sy mahihitra ny mpanan-karena, ka hihazona ho an'ny tenany ny fananan'ny Tompo, nefa izay mahatoky amin'Andriamanitra, rehefa alaim-panahy, dia hamaly an' i Satana hoe: «Voasoratra hoe:» «Handroba an'Andriamanitra va ny olona?» (...)
Izay misaintsaina mandrakariva ny zava-misy mandrakizay, izay tia ny Tompo amin'ny fony rehetra sy ny fanahiny rehetra ary ny heriny rehetra, ary tia ny namany tahaka ny tenany, dia hanatanteraka amim-pahatokiana ny adidiny rehetra, toy ny hoe nesorina ny lamba manarona ka hitany fa miasa eo anatrehan'ny lanitra manontolo izy. –RH, 16 Mey 1893.