January 2024

Mahatonga ny mpivavaka hanana fahalalahana ao anatin'ny vavaka tononiny ny fanaovana ny Salamo ho tonom-bavaka, kanefa mihoatra noho zany. Manitsy ny fanandraman'izy ireo hifanaraka amin'ny fenitr Andriamanitra ny Salamo, ary amin'ny alalan'ny fitondran'izany fanantenana sy toky ny amin'ny fanatrehan'Andriamanitra, dia manjary mora zakaina izany fanandramana izany.

Vakio ny Sal. 22. Inona ny lesona azontsika ianarana avy amin'io salamo io momba ny fitokiana amin Andriamanitra na ao anatin'ny fahoriana lehibe aza?

Inoana fa samy mahafantatra sy efa niaina tao anatin'ny fahakiviana sy ny fahoriana avokoa ny Kristianina rehetra, dia fotoana izay nampametra-panontaniana azy ireo hoe: inona izao ataon'Andriamanitra izao? Nahoana no avelan'ny Tompo mitranga aminay (na amiko) izao zavatra izao? Efa nandalovan'ireo mpanao salamo koa izany, ary tsindrimandry avy amin'Andriamanitra no nanoratany ny fanandramana efa niainany.

Vakio ny Sal. 44. Inona no ambarany amintsika? Ary nahoana no zava-dehibe ho an'ny mpino rehetra mifandimby izany?

Vakio ny Sal. 105:6, Kôl. 3:16, sy ny Jak. 5:13. Aiza ho aiza ny toeran'ny Salamo ao anatin'ny fanandramana ara-pivavahan’ny mpino?

Vakio “Ny tempoly sy ny fitokonana azy", toko faha-2 ao amin'ny Mpaminany sy Mpanjaka, EGW; “Ny tombontsoa avy amin'ny mozika", Hafatra ho an'ny tanora, EGW, tt. 150-151.

Ahitana Salamo miisa 150, izay voasokajy ho boky dimy, ny bokin’ny Salamo: Boky I (Sal. 1-41), Boky II (Sal. 42-72), Boky III (Sal. 73-89), Boky IV (Sal. 90-106) ary ny Boky V (Sal. 107-150). Ny fizaran’ny bokin’ny Salamo ho dimy dia fomba amam-panao jiosy tany aloha izay mifanindran-dalana amin’ny fizarana ny bokin’ny Pentatioka ho dimy.

Vakio ny Sal. 16:8: Sal. 44:8; Sal. 46:1; Sal. 47:1,7; Sal, 57:2; Sal. 62:8; Sal. 82:8 ary ny Sal. 121:7. Inona ny toerana tanan’Andriamanitra eo amin'ny fiainan'ny mpanao Salamo?

Vakio ny 2 Sam. 23:1,2 sy ny Rôm. 8:26,27. Inona no ampianarin ireo toko sy andininy ireo antsika mikasika ny vavaka?

Vavaka avy amin'ny tsindrimandrin Andriamanitra sy fiderana ataon'ny Isiraely ny Salamo, koa ny feo avy amin’Andriamanitra sy ny feon’ny olony no miharo ao amin’izany. Maneho ny fanandraman’ny fifandraisana velona amin’Andriamanitra ny Salamo.

Vakio ny Sal. 3; Sal. 33:1-3 ary ny Sal. 109:6-15. Inona avy ireo lafiny samy hafa eo amin’ny fiainan'ny olombelona resahin'ireo Salamo ireo?

Mampisaintsaina ny fiarahamonin’ny mpino ny amin’ny fitambaran’ny fanandramana lalovan’ny olombelona ny Salamo, ary koa maneho fa azon’ny mpino atao ny midera an’Andriamanitra amin’ny vanim-potoana rehetra misy eo amin’ny fiainana. Hitantsika ao amin’ny Salamo ireto manaraka ireto:

Nandray anjara mavitrika tamin'ny fandaminana ny fotoana nandritra ny fanompoam-pivavahan’ny Isiraely i Davida mpanjaka izay manana ny anarany misoratra eo amin'ny lohatenin'ny ankamaroan'ny Salamo. 'Mpanao fihirana mahafinaritra amin'ny Isiraely no iantsoana azy (2 Sam. 23:1). Salamo samihafa no ambaran’ny Testamenta Vaovao fa nosoratan'i Davida (Mat. 22:43-45; Asa. 2:25-29,34,35; Asa. 4:25; Rôm. 4:6-8). Salamo marobe no nosoratan’ireo mpihira tao amin’ny tempoly izay Levita ihany koa: ohatra amin’izany ny Sal. 50 sy ny Sal. 73-83 nosoratan'i Asafa; ny Sal. 42, ny Sal.

Vakio ny 1 Tant. 16:7; Neh. 12:8; Sal. 18:1; Sal. 30:1; Sal. 92:1; Sal. 95:2; Sal. 105:2; Kôl. 3:16 ary ny Jak. 5:13. Inona avy ireo toe-javatra izay nahatonga ny fanoratana ny Salamo? Oviana no nampiasan’ny vahoakan’ Andriamanitra ny Salamo?

Nosoratana mba hampiasaina amin’ny fivavahana manokana na amin’ny fiaraha-mivavaka ny Salamo. Nohiraina nandritra ny fanompoam-pivavahana tany amin’ny tempoly izany, araka ny lahatsoratra momba ny hira izay miresaka mikasika ny zava-maneno (Sal. 61:1), sy ny feon-kira (Sal. 9:1) ary ny mpiventy hira (Sal. 8:1).

Eo anivon’ny Kristianina sasany dia toa manjaka ny finoana fa ny vavaka tora-po sy tsy nianarana ihany no tena atao hoe vavaka. Nomena valiny mahafa-po indrindra anefa ny mpianatr’i Jesôsy rehefa nangataka Taminy mba hampianariny mivavaka. Nametraka bokim-bavaka ao afovoan’ny Baiboly Andriamanitra, dia ny Salamo, tsy ny hampisehoana amintsika fotsiny ny fomba fivavak’ireo vahoakan’Andriamanitra tamin’ny andro fahiny, fa mba hampianarana antsika koa ny fomba fivavaka mety ankehitriny.