Vakio ny Mar. 15:15-20. Inona no nataon'ireo miaramila tamin'i Jesôsy, ary inona no hevitr'izany?
Endri-pikapohana henjana no nampiasain'ny Rômanina mba hanomanana ny mpifatotra ho amin'ny famonoana azy ho faty. Esorina ny fitafian'ny mpifatotra, ary fatorana eo amin'ny hazo iray izy ka kapohina amin'ny karavasy hoditra izay nasiana poti-taolana na fitaratra, na vatokely sy fantsika.
Hodinihina mandritra ny herinandro: Mar. 15; Lio. 13:1; Sal. 22:18; Jao. 20:24-29; Jao. 1:1-3; Dan. 9:24-27.
Tsianjery: "Ary tamin'ny ora fahasivy Jesôsy dia niantso tamin'ny feo mahery ka nanan hoe: Eloy, Eloy, lamà sabaktany! lzany hoe, raha adika: Andriamanitro ô, Andriamanitro ô, nahoana no dia mahafoy Ahy Hianao?" - Mar. 15:34.
Vakio ny Mar. 14:60-72. Ampitahao ny fihetsik'i Jesôsy sy ny fihetsik'i Petera teo anatrehan'ny zava-nitranga. Inona ireo lesona azontsika raisina avy amin'izany fahasamihafana izany?
Mitantara ny nitondrana an'i Jesôsy teo amin'ny Synedriona sy ny dingana voalohan'ny fitsarana an'i Jesôsy ny Mar. 14:53-59. Tsy nahitana mangirana ity toe-javatra ity. Nitady hatrany izay hampitombina ny fanamelohany an'i Jesôsy ireo mpitondra. Ambaran'ilay mpanoratra ny filazantsara fa mpiampanga lainga no betsaka, ary tsy nifanaraka ny fiampangany.
Vakio ny Mar. 14:22-31 sy ny Eks. 24:8. Inona no maha-zava-dehibe ny tantara voalaza eto ho an'ny finoana kristianina?
Voalaza ao amin'ny Mar. 14:12 fa andro voalohan'ny andro fihinanana ny mofo tsy misy masirasira tamin'izay, izay famonoana ny zanak'ondrin'ny Paska. Ny harivan'ny Alakamisy io fiaraha-misakafo io.
Vakio ny Mar. 14:1-11. Inona ireo tantara roa voalaza eto, ary inona no ifandraisany?
Voalaza ao amin'ny Mar. 1 fa roa andro sisa dia ho tonga ny Paska. Na ny alin'ny Talata, na ny Alarobia tao anatin'io herinandro io ny fivoriana eto. Nanao kajikajy nandamina fotoana ireo mpitondra fivavahana. Ny fomba hanatrarana ny tanjony sisa no notadiaviny. Tsy nampoiziny ny nahitany izany fomba izany.
