"Fa ny fitiavam-bola no fototry ny ratsy rehetra, koa ny sasany izay fatra-pitady izany dia efa voavily niala tamin'ny finoana ka nanindrona ny tenany tamin'ny alahelo be." - 1 Tim. 6:10.
"Ny fatin-dalitra mahamaimbo sy mampamorivory ny menaky ny mpangaroharo zava manitra; ary toy izany, ny fahadalana kely dia mavesatra noho ny fahendrena sy ny voninahitra." - Mpitt. 10:1.
"Ary hoy Jesôsy taminy: Hianareo dia mpanamarin-tena eo anatrehan'ny olona, nefa Andriamanitra mahalala ny fonareo; fa izay zavatra heverin’ny olona ho ambony dia fahavetavetana eo anatrehan’Andriamanitra." Lio. 16:15.
«Mahalala hietry aho, ary mahalala hitombo; na aiza na aiza, ary na amin'inona na amin'inona, dia efa nampianarina ny ho voky sy ho noana aho ary hanam-be sy halahelo. Mahay nv zavatra rehetra aho ao amin'ilay mampahery ahy.» - Fil. 4:12,13.
"Fa miharia harena ho anareo any an-danitra, izay tsy misy kalalao na harafesina manimba, sady tsy misy mpangalatra manamitrano na mangalatra. Fa izay itoeran'ny harenao, dia ho any koa ny fonao." - Mat. 6:20,21.
"Tsy mety amin'ny mpanjaka, ry Lemoela, eny; tsy mety amin'ny mpanjaka ny misotro divay, na amin'ny mpanapaka ny ho fatra-paniry toaka; fandrao, raha misotro izy, dia manadino ny lalàna ka mamily ny fitsarana ny zanaky ny fahoriana." - Ohab. 31:4,5.
"Satria nialona ny mpirehareha aho, raha nahita ny fiadanan'ny ratsy fanahy. (...) Mandra-pidi tro tao amin'ny fitoera-masin 'Andriamanitra ka nihevitra izay ho farany." - Sal. 73 :3,17.
Mofon’aina: Ny dingana voalohany indrindra eo amin'ny lalan'ny fiainana dia ny fibanjinana an'Andriamanitra sy ny fahatahorana Azy mandrakariva. Manadombo ny feon'ny fieritreretana ny fiviliana indray mandeha amin'ny fahitsiana ara-pitondrantena, ary manokatra varavarana hidiran'ny fakam-panahy hafa indray. (...)
