May 2025

LESONA 10: "(...) IZAY NIHARAN'NY FARAN'IZAO TONTOLO IZAO"- Ny tantaran’i Sodoma sy Gomora.

Misy tantara iray avy ao amin'ny TT koa resahin'i Petera rehefa manoritsoritra ireo tranga amin'ny andro farany izy, dia ny fandravana an'i Sodoma sy Gomora. Nanjary nikoizana npho ny faharatsiany ireo tanana teo amin'ny lemaka, ary tonga ohatra voalohany ny amin'ny tanana be mponina izay noravan'ny afo avy any an-danitra.

Vakio ny 2 Pet. 2:4-11, Joda 5-8, sy ny Ezek. 16:46-50, ary mariho ny tsipiriany rehetra. Nanao ahoana ny fitondran-tenan'ny olona, izay nitarika ho amin'ny fandravana fan Ireo tanana ireo? Inona ny zava-misy mitovy amin'izany ankehitriny?

LESONA 10: "(...) IZAY NIHARAN'NY FARAN'IZAO TONTOLO IZAO"- Ny asa fitorian’i Noa.

Mampahatsiahy antsika i Petera fa maro no tsy ho vonona ho amin'ny fiverenan'i Kristy satria "minia jamba" sy manadino izay nitranga tamin'ny Safodrano (2 Pet. 3:5). Ankehitriny, na voatahiry ao an-tsain'izao tontolo izao aza ny amin'ny fisian'ny Safodrano iray lehibe (mahagaga fa tantaraina ao amin'ny kolontsaina maro maneran-tany ny amin'ny Safodrano iray izay nandravarava, manomboka amin'ireo Grika fahiny ka hatramin'ireo Maya), dia anisan'ny esoina indrindra amin'ireo tantara ao amin'ny Baiboly ny tantaran'i Noa.

LESONA 10: "(...) IZAY NIHARAN'NY FARAN'IZAO TONTOLO IZAO"- Fampidirana.

Hodinihina mandritra ny herinandro: Apôk , 6:12-17; Mat. 24:36-44; Gen. 6:1-8; 2 Pet. 2:4-11; Gen. 18:17-32; Dan. 7:9,10

Tsianjery:

"Ary izany dia nanjo azy mba ho anatra, sady voasoratra izany ho fananarana antsika izay niharan'ny faran'izao tontolo izao. Koa izay manao azy fa efa mijoro tsara, dia aoka izy hitandrina, fandrao ho lavo." - 1 Kôr. 10:11,12.

Saino ny hoavy mandrakizay eo am-panaovana drafitra.

«Fa mahasoa kely ihany ny fampiasana ny tena; fa ny toe-panahy araka an’Andriamanitra no mahasoa amin'ny zavatra rehetra ka manana ny teny fikasana ny amin'ny fiainana ankehitriny sy ny ho avy koa.» - 1 Tim. 4:8.

Mofon’aina:
Ny mombamomba ny fitantanam-pananana rehetra, ny tsipirian'ny varotra rehetra, dia tsy misy miafina eo anatrehan'ireo mpanara-maso tsy hita maso, izay tsy mba manao marimaritra iraisana amin'ny tsy fahamarinana, tsy mandefitra ny faharatsiana, ary tsy manamaivamaivana ny fahadisoana.

Misoloa tena an'i Kristy amin’ny toe-javatra rehetra.

  "Fa noho ny fahasoavana nomena ahy dia izao no lazaiko amin'ny olona rehetra izay eo aminareo: Aza mihevitra mihoatra noho izay tokony hoheverina; fa mihevera izay onony araka ny ohatry ny finoana izay nozarain’Andriamanitra ho anareo avy." - Rôm. 12:3.

Asehoy amin'ny famindrampo ny fitiavan'Andriamanitra.

"Fa ny famindram-pon’i Jehôvah dia hatramin'ny taloha indrindra ka ho mandrakizay, amin'izay matahotra Azy ary ny fahamarinany mihatra amin'ny taranaka. Dia amin'izay mitandrina ny fanekeny sy mahatsiaro hankatò ny didiny." - Sal. 103:17,18.