August 2026

 "Fa izay rehetra manandra-tena no haetry; ary izay manetry tena no hasandratra."- Lio. 14:11

Mofon’aina:
Manome voninahitra ireo izay mietry eo anatrehany Andriamanitra. Raha kivy noho ny fitarainana sy ny fimo-nomononan'ny vahoaka izay notarihiny ho any amin'ny tany nampanantenaina i Mosesy, dia nitalaho tamin'Andriamanitra mba homeny antoka ny amin'ny Fanatrehany (...). Ary hoy ny Tompo: "Ny Tavako no handeha, dia hanome anao fitsaharana Aho." Eks. 33:14.

"Ny marina hamololona tahaka ny rofia; hisandrahaka tahaka ny sedera any Libanona izy."- Sa1.92:12

 "Hianareo no fanasin'ny tany; fa raha ny fanasina no tonga matsatso, inona indray no hahasira azy? Tsy misy heriny hanaovana na inona na inona intsony izy, fa hariana any ivelany ka hohitsahan’ny olona."- Mat. 5:13

Aoka ho mpamindra fo hianareo mba ho tahaka ny Rainareo, Mpamindra fo."- Lio. 6:36 

Mofon’aina:
Toetran' Andriamanitra saingy azon'olombelona ananana ny   famindrampo. (...) Nomena asam-pamindrampo isika mba hatao amin'ireo namantsika. Raha manao izany isika dia miara-miasa amin'Andriamanitra. (...)

 "Ry olombelona, efa naseho anao izay tsara sy izay ilain'i Jehovah aminao, dia izao ihany: ny hanao ny marina sy ho tia famindrampo ary  ny hanaraka an 'Andriamanitrao amin 'ny fanetren-tena."- Mika 6:8

"Sambatra ny malemy fanahy; fa izy no handova no tany."- Mat. 5:5

Mofon’aina:
Toetra kristianina sarobidy ny fahalemem-panahy. Amin'ny fitondrana ny ziogan'i Kristy ihany no ianarana ny Fahalemem-panahiny sy ny Fanetren-tenany. (...)

"Jehovah no reharehan'ny fanahiko; hahare izany ny mpandefitra ka ho faly."- Sal. 34:2

"Fa ny fitiavan Kristy no manery anay."- 2 KOr. 5:14

Mofon’aina:
Ary ankehitriny dia ireto telo ireto no mitoetra: ny finoana, ny fanantenana, ny fitiavana; fa ny fitiavana no lehibe amin 'ireo."- 1 Kor. 13:13.

"Fa tahaka izany, ny Zanak 'olona tsy tonga mba hotompoina, fa mba hanompo ka hanolotra ny ainy ho avotra hisolo ny maro."- Mat. 20:28

Mofon’aina:
Tonga teto amin'izao tontolo izao i Kristy mba hiaina ho an'ny hafa — tsy mba hotompoina fa hanompo. Raha miezaka miaina tahaka izay niainany ianao, dia milaza amin'izao tontolo izao hoe: "Banjino ilay Lehilahin'i Kalvary." Amin'ny alalan'ny fampianarana sy ny ohatra no itarihanao ny hafa ho eo amin'ny lalan'ny fahamarinana.

"Dia tahaka ahy koa manao izay hahafinaritra ny olona rehetra amin'ny zavatra rehetra ka tsy mitady ny mahasoa ahy ihany, fa ny mahasoa ny maro mba hovonjena izy."- 2 Kor. 10:33