Vakio ny Est. 4:1-14. Nahoana no noheverina ho fotoana mety hilazan'i Estera ny maha Jiosy izy lo fotoana io?-
Efa vadin'i Ahasoerosy nandritra ny taona maro i Estera tamin'ny fotona nangatahan'i Mordekay fanampiana taminy, saingy ny lalàna persianina dia mandrara na iza na iza tsy hanatona ny seza fiandrianan'ny mpanjaka raha tsy nahazo fanasana mazava avy taminy. Fahafatesana no niandry ny olona rehetra izay tsy nanaja izany fitsipika izany. Fantatr'i Estera tsara izay mety hanjo azy saingy nankao amin'ny efitrano misy ny seza flandrianan'ny mpanjaka ihany izy na dia tsy nahazo fanasana aza.
Nitady izay hamohazana ny finoan'i Estera tamin'ny finoany i Môrdekay. Ao amin'ireo teny nataon'i Môrdekay tamin'i Estera no ivon'ny bokin'i Estera, manao hoe: "Aza manao anakampo fa ho afaka mihoatra noho my Jiosy rehetra hianao, saingy ao an-tranon'ny mpanjaka: fa raha hangina mihitsy hianao amin'izao andro izao, dia hisy fahafahana sy famonjena hiseho avy amin'ny fitoerana hafa ho an'ny Jiosy, fa hianao sy ny mpianakavin- drainao kosa dia haringana; ary iza no mahalala, fa angamba ho amin'izao andro izao mihitsy no nanandratana anao ho amin'ny fanjakana?" - Est. 4:13, 14.
Nozahan-toetra ny finoan'i Estera rehefa nofobazin'i Mordekay tao am-pony ny fitiavany ny vahoakany. Tsy nisy olona nahalala fa Jiosy izy afa-tsy i Môrdekay, ary rehefa nanapa-kevitra ny hiditra an-tsehatra izy dia tsy nisalasala ny hanao vivery ny ainy.
Natanjaka ny finoany an'Andriamanitra ary fantany fa raha tsy misy ny fanampian' Andriamanitra dia tsy hahomby izy. Fanehoana ny finoany ny valinteniny tamin'i Mordekay: "Mandehana ary, vorio ny Jiosy rehetra izay hita ato Sosana, ary mifadia hanina noho ny amiko, ka aza mihinana na misotro hateloana na andro na alina; ary izaho sy ny ankizivaviko hifady toy izany koa, ary amin 'izany no hidirako ao amin'ny mpanjaka na dia tsy araka ny lalana aza; koa raha tahiny maty aho dia maty."- Est. 4:16. Nandefa izany fampahafantarana izany tamin'ny fiarahamonina jiosy manontolo tao Sosana i Môrdekay ary nandritra ny fotoana nifadian'izy ireo hanina sy nivavahany no niomana ho amin'ilay fotoana mampidi-doza i Estera. "Ary nony tamin'ny andro fahatelo, dia niankanjo fiandrianana Estera ka nitsangana teo amin'ny kianja anatiny amin'ny tranon'ny mpanjaka, dia teo anoloan'ny tranon'ny mpanjaka, Ary ny mpanjaka nipetraka teo ambonin'ny seza fiandrianan'ny fanjakana tao an-dapa, tandrifin 'ny vavahadin'ny trano. Ary nony hitan'ny mpanjaka fa, indro Estera, vadin'ny mpanjaka, nitsangana teo an-kianja, dia nahita fitia teo imasony izy: ary ny mpanjaka nanondro an'i Estera tamin'ny tehim-bolamena izay teny an-tanany. Dia nanatona kosa Estera ka nanendry ny loha-tehina."- Est. 5:1, 2.
Nampiarahin'ny Jiosy tamin'ny fifadian-kanina ny fivavahana, teo anatrehan'ny toe-javatra tahaka izay voalaza eo ambony. Izany hoe, na dia nanao zavatra ho an'ny tenany aza izy Ireo dia ny vavaka no ivon'ny valiny nasetriny ny toe-javatra, Inona ny lesona mazava azontsika raisina avy amin'izany?