"Niandry fatratra ny hahalasa ny oran'ny Sabata ireo vehivavy izay nijoro teo amin'ny hazo fijalian'i Kristy. Tamin'ny andro voalohany amin'ny herinandro, raha vao nazava ratsy ny andro, dia Jasa nankany amin'ny fasana izy, nitondra ireo zava-manitra sarobidy hanosorana ny fa -tin'ny Mpamonjy. Tsy nieritreritra ny momba ny hitsanganany amin'ny maty izy. Efa nilentika ny masoandron'ny fanantenany, ary nidina tao am-pony ny alina. Raha teny an-dalana izy, dia namerina nitantara ny asam-pamindrampo sy ny teny fampaherezana nataon'i Kristy. Tsy tsaroany anefa ny teniny hoe: hahita anareo indray Aho' - Jao. 16:22." - IFM, t. 847.
Vakio ny Mar. 16:1-8. Inona no nitranga? Ary nanao ahoana ny fihetsik’ireo vehivavy ireo tamin'ny voalohany?
Vao manomboka ny filazantsara dia fantatry ny mpamaky fa i Jesôsy no Mesia. Kanefa ao amin'ny Iahatsoratra manontolo, ilay olona voalohany tsy demoniaka nanambara Azy ho Mesia dia i Petera, ao amin'ny Mar. 8:29. Ary efa any amin'ny antsasaky ny boky izany vao nambara!
Manerana ny bokin'i Marka i Jesôsy dia nandrara ny olona tsy hilazalaza ny maha-Izy Azy sy ny momba ny fanasitranany azy ireo. Ao amin'ny Mar. 1:44 dia norarany tsy hilaza na amin'iza na amin'iza ny fahasitranany ilay boka. Ao amin'ny Mar. 5:43 dia niteny tamin'i Jairo sy ny vadiny Izy mba tsy hanambara amin'ny olona ny nananganana ny zanany vavy tamin'ny maty. Nisy vondron'oiona koa tao amin'ny Mar. 7:36 noraran'i Jesôsy tsy hilazalaza ny nanasitranany ilay Iehilahy moana sy marenina. Ary avy eo dia nandidy ny mpianatra Izy tsy hanambara amin'ny olona fa Izy no Mesia (Mar. 8:30, jereo koa ny Mar. 9:9). Tsy isalasalana fa ny tena antony nampanginan'i Jesôsy azy ireo tsy hiteny dia ny mba hananany fotoana hamitana ny asany araka ny fotoana notondroin'ny faminanian'i Daniela, ao amin'ny Dan. 9:24-27.
Izao koa, eto amin'ity tantara ity, na dia efa nilazana aza ireto vehivavy ireto fa nitsangana tamin'ny maty i Jesôsy, tao anatin'ny tahony sy ny fahagagany dia tsy nitantara momba izay zava-nitranga izy ireo, farafaharatsiny tamin'ny voalohany.
Tsy naharitra ela anefa izany fanginany izany. Inona no hitantsika any amin'ny faran'ny bokin'i Marka? "Fa izy ireo kosa dia lasa ka nitory teny eny tontolo eny, ary ny Tompo niara-niasa taminy ka nanamarina ny teny tamin'ny famantarana izay nomba azy."- Mar. 16:20.
Araka izany, tsy mitombina intsony ny fanginana mikasika an'i Jesôsy sy ny maha-Izy Azy ary ny asany. Miafara amin'ny fitoriana teny "eny tontolo eny" ny boky.
Nahoana no tsy azontsika atao ny mangina tsy milaza ny amin’i Jesôsy sy ny asany? Anio, iza no azonao iresahana momba an'i Jesôsy sy ny drafi-panavotana?