Hodinihina mandritra ny herinandro: Kol. 2; Heb. 7:11; Isa. 61:3; 1 Kor. 3:6; Deo. 31:24-26; Rôm. 2:28,29; Rôm. 7:7.
Tsianjery:
"Koa aza avela hisy hitsara anareo ny amin'ny fihinana, na ny fisotro, na ny andro firavoravoana, na ny voaloham-bolana, na ny Sabata: aloky ny zavatra ho avy ireny, fa ny tenany dia an'i Kristy." - Kol. 2:16,17
Efa nisy olona nanontany anao ny antony itandremanao ny Sabata ve? Mety efa nampiasaina ho "porofo" manohitra ny fitandremana ny Sabata angamba ny tsianjery amin'ity herinandro ity. Kanefa tsy mikasika ny didy fahefatra ireo andalan-teny ireo fa setrin'ny fahadisoan-kevitra nampianarin'ny mpampianatra sandoka sasany tao amin'ny fiangonana. Inona izany hevi-diso izany?
Voalohany, izany fampianaran-diso izany dia antsoina hoe "filosofia", *fampianarana voatolotry ny razana", "araka ny abidim-pianaran'izao tontolo izao, fa tsy araka an'i Kristy." - Kōl. 2:8.
Voafaokan'izany fampianaran-diso izany koa ny farmorana sy ny fitandremana ireo andro firavoravoana jiosy (Kôl. 2:11,16), ary ireo fombafomba Jiosy mahakasika ny fahadiovana sy ireo fitsipika mifandraika amin'ny hanina (Kol. 2:16,21). Tao anatin'izany koa ny fiankohofana amin'ny anjely na miaraka amin'ny anjely na ny fitadiavana hanahaka ny fiankohofan'ny anjely (Köl. 2:18).
Ary farany, dia niorina tamin'ny "didy sy ny fampianaran'olona" izany ary azo inoana tokoa fa tafiditra tao ny fomba fanao feno fihafiana sy fampahoriana tena (Κόι. 2.22.23).
Tia fivavahana sy nanao izany vokatry ny fony tokoa ireo mpampianatra sandoka ireo, kanefa diso ny fandraisan'izy ireo ny filazantsara. Hojerentsika mandritra ity herinandro ity ny anton'izany, ary ho hitantsika koa ny antony mahatonga ny tsianjery tsy misy hifandraisany amin'ny fitandremana ny Sabata andro fahafito.
*Famerenana ny lesona ny sabata 07 Martsa.