NONINA NIARAKA TAMIN'NY OLOMBELONA I JESÔSY
Vakio ny Jao. 1:14. Ampitahaina amin'ny tabernakely ny fahatongavan'l Kristy ho nofo; amin'ny fomba ahoana?
Zava-miafina ny fahatongavan'l Jesosy ho nofo, ary siansa manokana izay hianaran'ny voavotra mandritra ny mandrakizay izany. Ambaran'ny apostoly Jaona fa nonina niaraka tamintsika tam tamin'ny fomba azo tsapain-tanana Andriamanitra, rehefa tonga olombelona i Kristy. I Jesosy tao amin'ny nofo dia mitovy amin'llay Andriamanitra ao amin'ny TT, izay nonina niaraka tamin'ny Isiraelita tao amin'ny tabernakely tao Sinay sy tany an'efitra, nandritra ny dian'izy ireo ho any amin'ny Tany Nampanantenaina.
Nonina niaraka tamin'ny olombelona i Jesôsy fony Izy tonga nofo. Fietrena tsy takatry ny saina velively izany! Nidina teto amintsika Ilay Andriamanitra mandrakizay, tonga iray amintsika, mba hanome toky antsika fa "Imanoela" tokoa Izy; izany hoe: "amintsika Andriamanitra".
"Na aiza na aiza no iangonan'ny roa na telo amin'ny anarako, dia ao afovoany Aho," hoy i Jesosy ao amin'ny Mat. 18:20. Miaraka amin'ny vahoakany i Kristy amin'ny alalan'ny fanatrehan'ny Fanahy Masina. Manasa ny mpanara-dia Azy i Kristy mba hifandray ety Aminy: "Indro, efa mitsangana eo am-baravarana Aho ka mandòndòna; raha misy mihaino ny feoko ka mamoha ny varavarana, dia hiditra ao aminy Aho ka hiara-misakafo aminy, ary izy amiko." - Apôk. 3:20.
Vakio ny Apok. 21:1-3. Inona no aseho antsika eto?
Hidina avy any an-danitra ho eto an-tany i Jerosalema Vaovao, ary hoy i Jaona: "Indro, ny tabernakelin'Andriamanitra dia eo amin'ny olona, ary Izy hitoetra eo aminy, ary ireo ho olony, ary ary Andriamanitra no hitoetra eo aminy, dia ho Andriamaniny." - Apôk. 21:3. Tsy misy tempoly ao Jerosalema Vaovao (Apôk. 21:22) satria ny tanana manontolo no tempoly, dia fitoerana masin'Andriamanitra. Mitovy ny halavan'ny tanàna sy ny sakany ary ny haavony (Apôk. 21:16) tahaka ny refin'ilay Efitra Masina Indrindra tao amin'ny fitoerana masina teto an-tany, izay nanana endrika goba, mitovy ny lafiny rehetra. Hitoetra eo anatrehan'Andriamanitra mandritra ny mandrakizay isika, ao anatin'ny tontolo tsy misy ota, na fahafatesana na fijaliana.
Rehefa dinihina izay nampanantenaina antsika ao amin'i Jesôsy , ahoana no tsy haharetantsika hatramin'ny farany?