Vakio ny Eks. 32:31,32. Inona no ampianarin'izany antsika momba an'i Mosesy sy ny vavaka?
Nanam-pahasahiana nifona ho an'ny vahoakan'Andriamanitra imbetsaka i Mosesy. Nitodika tamin'Andriamanitra izy rehefa nangetaheta ny oIona (Eks. 15:25; Eks. 17:2-6), rehefa noana ny olona (Nom. 11:21,22), ary rehefa tao anatin'ny famoizam-po tanteraka (Nom. 11:11-15). Rehefa nanamboatra ilay ombilahy kely volamena ny lsiraelita, nefa vao avy nanao fanekena tamin'izy ireo Andriamanitra, dia hoy i Mosesy raha nahatsiaro izany: "Fa natahotra ny fahavinirana sy ny fahatezerana aho. izay nahatezeran'i Jehovah taminareo handringanana anareo. Dia nihaino ahy indray Jehôvah tamin'izany andro izany" - Deo. 9:19.
lzao koa no notsaroan'i Mosesy rehefa niverina avy tany amin'ny Tany Nampanantenaina ireo mpisafo tany: "Ary niankohoka teo anatrehan'i Jehôvah aho nandritra izany efa-polo andro sy efapolo atina izany, satria efa nolazain'i Jehôvah fa handringana anareo lzy" - Deo. 9:25.
Rehefa navahana tamin'ireo foko hafa i Levy mba hanompo ao amin'ny fitoerana masina, dia izao no tadidin'i Mosesy: "Ary izaho nitoetra efa-polo andro sy efa-polo alina tao an-tendrombohitra tahaka flay teo ihany; ary Jehôvah nihaino ahy tamin'izany andro izany koa ka tsy nety nandringana anao."- Deo. 10:10. Nihaino ny fitalahoan'i Mosesy Andriamanitra.
Betsaka no azontsika ianarana avy amin'ny fiainan'i Mosesy raha ny momba ny vavaka sy ny fifikirana amin'Andriamanitra:
• Nanam-pitiavana lalina an'Andriamanitra i Mosesy, ary nahita mazava ny toetrany. Nanoritsoritra ny Tenany tamin'i Mosesy Andriamanitra ao amin'ny Eks. 34:6: "Jehôvah , Jehôvah , Andriamanitra mamindra fo sy miantra, mahari-po sady be famindrampo sy fahamarinana."
• Sady nanam-pahasahiana no nahatoky i Mosesyteoam-pifikiranytamin'Andriamanitra nandritra ilay dia manasatra nankany amin'ny Tany Nampanantenaina, na tamin'ny mora na tamin'ny sarotra. Na niatrika ady toa antsika rehetra ihany aza i Mosesy, dia natoky ny herin'Andriamanitra, ny fanatrehany ary ny fitarihany izy teo amin'ny fiainany (Eks. 33:13).
• Nampahatsiahivin'i Mosesy an'Andriamanitra ny fanekeny (Eks. 32:13), notakiny ho an'ny vahoakany ny teny fikasany (Deo. 7:8), ary notsaroany ny fitantanan'Andriamanitra tamin'ny lasa (Deo. 8:2).
• Neken'i Mosesy ny valim-bavaka nomen'Andriamanitra, na "eny" izany na "tsia". Ny fananana fifandraisana ety amin'Andriamanitra dia tsy midika fa tsy maintsy hahazo izay tiantsika mandrakariva isika (Deo. 3:23-29), nefa tokony hivavaka amim-paharetana hatrany isika na izany aza (Lio. 18:1-8). Iza no mila anaovanao vavaka fanelanelanana izao ankehitriny izao? Inona no manakana anao tsy hivavaka dieny izao?.