Tamin'ny andron'i Jesôsy dia nomen-danja fatratra ny vavaka lavareny sy tsara rafitra toy ny zava-kanto — teny saro-takarina sy natao tsianjery matetika no nampiasaina tamin'izany. Tsy nanan-javatra tsara holazaina mikasika ireny karazan-tonom-bavaka ireny i Jesôsy (jereo ny Mat. 6:5-8). Nantsoiny amin'izay tena anarany tokoa ireny: fisehosehoana ho fampiderana ny "fitiavam-bavaka."
Nahita an'i Jesôsy nivavaka ire() mpianatra, ary fantany fa ampahany manan-danja teo amin'ny fiainan'i Jesôsy ny vavaka (jereo ny Lio. 5:16; Lio. 6:12; Lio. 9:18; Lio. 22:41; Lio. 24:30; Mar. 1:35; Mar. 6:46). Rehefa nijery an'i Jesosy izy ireo dia nahita fa samy hafa tamin'ireo mpitondra fivavahana Izy. Koa nanatona an'i Jesôsy izy, ary niteny taminy hoe: "Tompoko, mampianara anay hivavaka."- Lio. 11:1.
Naneho ohatra tamin'ireo tamin'ny mpianany (sy amintsika) i Jesôsy fa azontsika atao ny mivavaka amin'ny alalan'ny teny tsotra fampiasantsika andavanandro. Nasehony antsika fa tokony ho vokatry ny fo sy mahitsy ny vavaka atao.
Vakio ny Lio. 11:2-4 sy ny Mat. 6:5-15 ary mariho ireto lafin-javatra manaraka ireto eo amin'ny vavaka nampianarin'i Jesosy:
• Rainay Izay any an-danitra: Fanekena ny fifandraisanao manokana arnin'ilay Rain'ny rehetra. • Hohamasinina anie ny anaranao: Ny fanekena ny fahamasinan'Andriamanitra no mahatonga antsika hanatona Azy amin'ny fanajana sy ny fahatahorana.
• Ho tonga anie ny fanjakanao: Faniriana fatratra ny fiverenan'Andriamanitra sy ny fitoeran'ny Fanahy Masina ao am-pontsika mandra-pahatonga izany.
• Hatao anie ny sitraponao ety an-tany tahaka ny any an-danitra: Fileferana sy fangatahana ny hanatanterahan'Andriamanitra ny sitrapony eo amin'ny fiainantsika, fatokiana fa Izy no mahalala izay mahasoa. fa tsy fangatahana fotsiny ny zavatra irintsika.
• Omeo anay anio izay hanina sahaza ho anay: Fangatahana izay ilaintsika mba hahavelona, eo amin'ny lafiny ara-nofo (hanina sy rano) ary ara-panahy (Jesôsy sy ny Teniny velona).
• Ary mamela ny helokay tahaka ny namelanay izay meloka taminay: Fibebahana ary famelana ireo izay nandratra antsika tahaka ny amelan'Andriamanitra ny helotsika maimaimpoana.
• Ary aza mitondra anay ho amin'ny fakam-panahy, fa manafaha anay amin'ny ratsy: Fangatahana fialofana sy fiarovana amin'ny faharatsiana eto amin'izao tontolo izao (Sal. 91).
• Fa Anao ny fanjakana sy ny hery ary ny voninahitra mandrakizay. Amena: Fanekena fa ny momba antsika rehetra dia an'Andriamanitra. Izy irery no mendrika ny voninahitra sy ny fiderantsika (1 Tant. 29:11).
Nahoana moa raha ampitomboina ny fivavahanao ary atodika amin'Andriamanitra isa-maraina ny tavanao mba hiresaka amin'llay tia anao mihoatra noho ny zavatra rehetra?