Lesona 7: VAVAKA IAINANA - Rehefa toy ny tsy ahazoam-baliny ny vavaka.

Angamba ianao efa nivavaka momba ny zavatra iray nandritra ny fotoana maharitra, mety aman-taona, ary toy ny hoe tsy ren'Andriamanitra ireny vavaka ireny. Hoy ny Baiboly amintsika: "Mangataha, dia homena hianareo" - Mat. 7:7, "raha mangataka zavatra araka ny sitrapony" - 1 Jao. 5:14. Manao ahoana ny fahatakaranao ireo teny fikasana ireo? Ohatra maneho ny vehivavy iray tia vavaka izay nanao fangatahana manokana i Hana (1 Sam. 1:10-17). Tamin'ny voalohany dia toy ny hoe tsy namaly ny fivavahany Andriamanitra, saingy naharitra izy, ka novalian'Andriamanitra tokoa, tamin'ny fotoana voatendriny ary araka ny Sitrapony. Indraindray ny fiandrasana dia manamafy orina ny fiarahantsika mandeha amin'Andriamanitra, satria amin'izany no ianarantsika matoky Azy bebe kokoa. Hoy ny Sal. 62:8: "Matokia Azy mandrakariva ianareo. ry olona; loary eo anatrehany ny fonareo; Andriamanitra no aro ho antsika." Matokia. Moa ve isika matoky fa tena fantany tokoa izay mahasoa indrindra, eny fa na dia tsy mahita valim-bavaka eo no ho eo aza isika? Moa ve isika matoky fa hamaly Izy amin'ny farany, araka ny fotoana mety sy ny fomba tsara indrindra? Tsy azontsika haingana araka izay aniriantsika azy na araka izay fomba irintsika isehoany indraindray ny valfm-bavaka. lnona no torohevitra omen'ny Baiboly antsika mahakasika izany? • Ny sitrapon'Andriamanitra no katsaho fa tsy ny anao (Mat. 6:10; 1 Jao. 5:14,15) • Diniho ny antony manosika anao hivavaka (Ohab. 16:2; Jak. 4:3) • Eritrereto raha toa misy fahotana ankamamianao (Sal. 66:18; 1 Pet. 3:12; Ohab. 15:29) • Mitoera ao amin'Andriamanitra sy ao amin'ny Teniny (Jao. 15:7) • Minoa rehefa mivavaka (Heb. 11:6; Jak. 1:6; Mar. 11:24; Mat. 21:22) • Diniho ny fonao (mietry sa miavonavona) (Jak. 4:6; 1 Pet. 5:6) • Mahareta (1 Tes. 5:17,18) • Avelao ny heloky ny hafa (Mar. 11:25,26) • Farany, Andriamanitra dia mahita ny toe-javatra amin'ny lafiny rehetra ary mahalala izay mahasoa antsika indrindra (Rom. 8:28; Efes. 3:20; Jer. 29:11-13). Indraindray ny valin-teniny dia toy izay nomeny an'i Paoly hoe: "Ampy ho anao ny fahasoavako" - 2 KOr. 12:9. Zava-dehibe iray mamaritra ny valin-tenintsika eo anatrehan'ny vavaka toa tsy ahazoam-baliny ny fomba fijerintsika an'Andriamanitra. Raha toa isika mihevitra Azy ho lavitra sy tsy miraika, dia ho osa ny fifandraisantsika Aminy. Arnin'ny fotoana toy izany, tadiavo ao amin'ny Baiboly ny porofon'ny fitiavany sy ny fiahiany anao, ary mivavaha mba hihamazava kokoa ny sary diso momba Azy ao an-tsaintsika.