Vakio ny 2 Kôr. 4:3-6. Inona ny hevitry ny hoe "izay nohajambain’ny andriamanitr’izao tontolo izao, dia ny sain'ny tsy mino" - 2 Kôr. 4:4? Ahoana no nanajambana ny mason'izy ireo? Inona no mampisokatra ny maso?
Ny teny grika nadika hoe "saina" ao amin'io andininy io dia noema. Ny fomba fijerintsika na ny faharanitan-tsaintsika no heviny ara-bakiteny. Manazava io andininy io ny ao amin'ny SDA Bible Commentary. "Ny ady eo amin'i Kristy sy i Satana dia ady mba hanjakana ao amin'ny sain'ny olombelona. (Rôm. 7:23,25; 12:2; 2 Mr. 3:14, 11;3; Fil. 2:5; 4:7,8). Ny asa fototra ataon'i Satana dia ny hanajamba na hanamaizina ny sain'olombelona. Ataony izany amin'ny fanakanana azy ireo tsy hianatra ny Tenin'Andriamanitra, amin'nyfampanaranam-po ny vatana sy ny fanahy mba hahalefy ny herin'ny saina, amin'ny famenoana ny saina amin'ireo zavatra eto amin'ity fiainana ity, ary amin'ny fandrisihana ny avonavona sy ny fanandratan-tena." — b. 6, t. 854.
Ny tsy fahalalan'ireo very dia tsy vokatry ny tsy nahafahany mahalala tsy akory. Avy amin'ny tsy finiavany hahalala izany. Mara no nanana tombontsoa azo nohararaotina hahalalana ny fahamarinana, saingy nisafidy ny tsy hino izy ireo, ka nohajambain'i Satana ny masony. Ny fanjakan'i Satana dia fanjakan'ny haizina. Hoy koa ny SDA Bible Commentary: "Ny Filazantsara no harry fomba ahafahana mampiharihary ny drafitra sy ny fitaka ataon'i Satana, ary io no ahafahan'ny olona mahita ny lalana miala amin'ny haizina ho amin'ny fahazavana." — b. 6, t. 854. Ny fiainan'i Jesôsy , ny fahafatesany, ary ny fitsanganany tamin'ny maty no votoatin'ny hafatry ny Testamenta Vaovao. Ivon'ny Filazantsara sy ivon'ny Soratra Masina i Jesosy. Manambara Azy ny Soratra Masina manontolo (Jao. 5:39).
Vakio ny Jao. sy ny 14. Ahoana no anoritsoritan'ireo andininy ireo an'i Jesôsy ? Mariho manokana ny Jao. 1:14.p.
Nandritra ireo taonjato voalohandohany niorenan'ny fiangonana kristianina, dia nanalo-tena tanteraka ho an'i Kristy, Ilay fanazavana azy ireo tao amin'ny maizina, ny mpino tao amin'ny Testamenta Vaovao. Ny fahasoavany no nanavotana azy ireo, ny heriny no nanova azy ireo, ary ny fitiavany no nampahery azy ireo. Na ny fahafatesana aza tsy nahatapaka ny fifandraisana feno fahatokiana namatotra azy tamin'i Kristy. Ny fahazavana be voninahitry ny filazantsara no nahafantarany ny fitaky ny devoly. Nanana lehilahy sy vehivavy izay niaro ny fahamarinany tamin-kerim-po hatrany i Kristy, noho ny fahasoavany. Nandritra ireo taonjato voalohany ireo dia namirapiratra tao amin'ny haizina ny fahazavan'ny fitiavana sy ny fahasoavana ary ny fahamarinan'i Kristy.